E tata di mentira cual ta satanas ta hañando hopi cooperacion, pasobra cada dia e mundo ta wordo yena mas cu mentira,serca rico y pober, y hopi biaha ta resulta cu hende cu ta bon studia, den un bon posicion tanto social como financiero tin un lenga mentiroso.
Ken por a kere cu diabel por gaña un hende y pone rechasa su identidad sexual?
Mentira ta un di e 7 cosnan cu Dios ta odia ( Proverbionan 6:16-17.
Dicon Dios ta odia mentira: Pasobra ora bo ta gaña un hende , bo mester ta odia e persona cu bo ta gaña.
Pesey Dios ta tuma adulterio hopi na serio, pasobra cu mesun boca cu bo ta bisa bo ta stima, cu mesun boca bo ta traiciona.
Den bista di Dios un persona cu ta odia su ruman ta wordo considera como un matado.( 1 Juan 3:15).
Hopi hende ta habri boca grandi y ta bisa mi ta odia tal persona, awel ta bon pa pensa prome cu papia.
Nunca laga bo emocion pone bo papia cosnan cu ta daña bo relacion cu Dios. No habri porta pa diabel den bo bida.
Lipnan mentiroso ta un abominacion pa Señor, ma esnan cu ta trata cu fieldad ta Su delicia.( Proverbionan 12:22).
No gaña pa haña locual otro hende tin.
No ganja pa bo keda mantene bo posicion
No gaña mucha, pasobra Dios ta trata fuerte cu esnan cu pone mucha trompica.( Mateo 18:6).
No gaña pa kibra bida di otro hende.
Esun cu sconde odio tin lipnan mentiroso y esun cu plama calumnia ta un bobo.( Proverbionan 10:18).
No tin victoria den gañamento pasobra ora bo keda descubri berguensa lo keda pa bo.
Nos tin cu tene bon cuenta cu lo siguiente:
Un hende cu no ta sirbi pa nada, un homber malbado,ta esun cu ta cana rond cu boca engañoso:
Cu ta kinipi wowo,
Cu ta haci seña cu pia,
Cu ta mustra cu dede,
Kende cu perversidad den su curason, ta planea maldad continuamente,
Kende ta sembra desunion.
Pesey su calamidad ta bini diripiente: instantaneamente e lo wordo kibra, y lo no tin curamento.(Proverbionan 6: 12-15).
Un testigo falso no ta keda sin castigo y esun cu ta papia mentira no ta scapa.( Proverbionan 19:5),
Dios ta bisa cu e mentiroso lo no hereda e reino di Dios.( Revelacion 22:12-15).
Mentira ta keda mentira, sea cu hende ta hacie den politica, of diariamente dilanti di Dios e ta keda mentira.
Ningun hende tin inmunidad di papia mentira, pasobra tur mentira ta pica.
Ta tristo pa un hende por huramenta pa haci un trabao serio y despues e ta papia mentira.
Ta hende mester corda cu ora nan ta huramenta pa un trabao of puesto di honor ta dilanti di Dios y hende nan ta huramenta, awel tene cuenta cu Dios lo pidi cuenta di tur mentira cu sali for di nan boca.( Galationan 6:7+8),
Cu mentira satanas ta destruyendo hopi hogar y hopi matrimonio.
Cada persona cu ta hinca den su cabes di gaña su prohimo di algun of otro forma, ta comberti su mes den un complice di diabel e tata di mentira.
Laga esun cu stima bida,y mira dianan bon. Frena su lenga di loke ta maldad y su lepnan di papia engaño.
Laga e aparta su mes di maldad y haci bon, lage busca pas y sigi pas.
Pasobra e wowonan di Señor ta riba e hustonan, y Su horea ta atento pa scucha nan oracion.
Ma e cara di Señor ta contra esnan cu ta haci malo.(1 Pedro 3:10-12).
Mentira no ta agrada Dios.