Den e buki di Isaias capitulo 13 vers 11 ta para scirbi: Asina lo Mi castiga mundo pa su maldad, y malbadonan pa nan inikidad.
Tambe lo Mi pone un fin na e orguyosonan, y rebaha e orguyo di hende cruel.
Tin 68 versiculo den bijbel cu ta bisa cu Señor lo destrui e malbado, pero tambe nos no por lubida, cu Dios no kier pa ningun hende bay perdi, pero pa tur yega na repentimento.
Cada rato bo ta tende, di maldad, rebeldia y murmuracion di hende, pero toch otro nan ta sali na nan defensa y bisa cu Dios ta stima nan tambe.
Pero dia pa dia nos ta mirando cu e momento di berdad ta yegando pa tur esnan cu no kier tende e Berdad y no kier reconoce Cristo Hesus como Señor.
Pasobra nos tin cu corda, cu e palabra di Dios ta bisa esun cu kere lo ta salba,y esun cu no kere lo bay perdi.
Awor ta dificil pa hende bisa cu nan ta kere, pero toch ta sigi biba den un bida cu no ta agrada Dios, den rebeldia, inmoralidad y abominacion y pensa cu Dios ta bay tene duele di nan riba e dia di huicio cu un momento pa otro por presenta pa tur hende.
Esun cu ta hunga cu candela, lo kima su man, y esun cu sa di haci bon y ta haci malo, lo wordo conta como pica pe, esun cu ta chercha,y sigi den su capricho, orguyo y falta di pordon lo conoce e furia di Dios.( Romanonan 2:5).
Laga nos tur recorda cu maske cuanto Abraham a intercede pa Sodoma y Gommora, toch Dios a saca Lot y famia , (Lot su casa a wak patras y bira un pilar di salo) y Dios a destrui Sodoma y Gommora cu candela y zwavel.
Maske cuanto Moises a roga pa e pueblo rebelde, murmurado, inmoral cu tabata cana den desierto, cual tabata un pueblo di mas cu 2 miyon hende, toch Dios a bisa cu nan lo no drenta e tera priminti, pasobra nan a despresia, rebeldia y murmura contra Dios ( Numbernan 14:11 y Numbernan 14:26-34).
Dios no a cambia, Dios su bondad tey keto bay pa esnan cu ta kere, den dje, y hasta Dios a manda Su yiu unigenito pa ken cu kere den dje no bay perdi, ma ricibi bida eterna.
E porta di Salbacion ta habri keto bay , pero hende ta stima scuridad mas cu lus,Dios ta stima hende, pero locual ta pasa cu hende no ta stima Dios.
Nan ta scohe pa laga e enemigo domina nan, y pasobra nan no ta haña ta necesario pa reconoce Dios, Dios a entrega nan na un mente perverso, pa haci cosnan cu no ta cumbini.( Romanonan 1:28-32).
E huicio di Dios lo baha riba tur hacidornan di maldad, no cierto hende so, pero tur cu ta haña e oportunidad awor aki pa arepenti , y kier haci duro, orguyoso, duda cu Dios ta existi, y tur esnan cu ta apoya maldad,lo conoce e furia di Dios.
!!! Anto Señor sa tambe con pa rescata e santunan for di tentacion, y con pa tene e inhustunan bao di castigo, pa e dia di huicio, y especialmente esnan cu ta sigui e carni den su deseonan corupto y ta despresia autoridad.( 2 Pedro 2:9).
Ora nos bay ta bay drumi anochi, y ora nos lanta mainta, ta momento pa arepenti, pasobra nos ta na bida, pasobra ora nos muri nos no por ahusta nada mas.