Den Mateo 7:21 ta para scirbi lo siguiente: No ta tur hende cu ta bisa Mi Señor, Señor lo drenta e reino di cielo, ma esun cu ta haci e boluntad di Mi Tata cu ta den Cielo.
Esaki no ta un versiculo pa hende usa contra otro, manero un style di Fariseo, especialmente ora nos mira un hende ta haci esfuerso pa sirbi Señor den su bida, lagando un bida malo atras, y awor ta buscando di tur forma pa agrada Señor.
Pasobra e boluntad di Dios, ta algo asina grandi y asina bunita, cu tur hende mester anhela pa cana den dje, pero lamentablemente nos ta mira cu awor aki na mundu hende no kier cana den e boluntad di Dios, y hasta ta mara nan mes na leynan cu ta stroba nan di cana den boluntad di Dios.
Ora un mucha haci algo cu ta robes nos ta purba di tur forma pa coregi e mucha, y hasta nos por duna e mucha un hala di sota, como coreccion y futuro prevencion pa e mucha no cohe mal caminda.
Pero awor aki nos ta mira hende grandi cu sano huicio, cu mester duna e ehempel corecto di e boluntad di Dios, pa otro nan por mira y dicidi, cu esey ta e caminda, ta desvia completamente.
Aki nan e palabra di Dios ta cumpli: bisando nos pa no confia den hende, pero confia den Señor pa bo por mantene bo pas ( Isaias 26:3-4).
Dios a duna nos bida eterno, y e bida eterno aki ta den Su Yiu .Esun cu tin e Yiu tin e bida, esun cu no tin e Yiu di Dios no tin e bida.( 1 Juan 5:14). Y esun cu no tin e Yiu no por drenta cielo, pasobra Cristo Hesus ta e unico caminda di e berdad y e bida y e unico mediador entre Dios y hende.
Pasobra ningun di nos no ta biba pa su mes,y ni un di nos no ta muri pa su mes. Pasobra si nos biba ta pa Señor nos ta biba,of si nos muri ta pa Señor nos ta muri, pesey sea nos biba of muri ta di Señor nos ta.
Cu nos conducta nos ta mustra na ken nos ta pertenece, pasobra un bon mata lo duna bon fruta, pero un mal mata lo duna mal fruta, asina tur hende lo sa ken ta ken segun e fruta cu nan ta duna.
No tin nada riba e mundo aki cu lo keda scondi, tur cos lo sali na cla, pa tur hende por mira y reconoce kico ta pasando y ken ta ken.
E tempo den cual nos ta bibando aki nos lo mira hopi sali for di e boluntad di Dios, pa motibo di materialismo, inmoralidad, y complace cu e mundo.
Pasobra esaki ta e boluntad di Dios, boso santificacion, pa boso abstene di inmoralidad sexual.(1 Thesalonisensenan 4:3).
Dios kier pa su pueblo keda leu for di inmoralidad, pero e diablo mentiroso no tin respet pa hende y ta pusha esun cu e haña den e caminda di scuridad ey y nan lo haci cosnan abominabel den bista di tur hende.
Palabra di Dios ta bisa nos pa nos no keda sorpresa ora hende cu no ta den e boluntad haci cosnan robes pasobra ta para scirbi: Y mescos cu nan no a haña ta necesario pa reonoce Dios, Dios a entrega nan na un mente perverso, pa haci cosnan cu no ta cumbini.
Ta tempo pa nos haci oracion mas cu nunca, y para firme den Señor,