Alaba Señor! Alaba Señor, O mi alma! Tanten cu mi ta biba lo mi Alaba Señor, lo mi canta Alabansa na mi Dios, tanten cu mi tin bida(Salmo 146:1-20
Henter dia mi boca ta yen di bo Alabansa, y di bo Gloria.( Salmo 71:8).
Ningun bela di aroma, ningun awa di laba cas, no tin mas poder cu Alabansa cu ta sali for di nos boca..
Mundo ta ofrece hopi tipo di terapia, pa baha stress , depresion , yena cu idolatria y spiritismo.
No laga ningun hende gaña boso, ora nos alaba Dios Todopoderoso, e Spirito Santo di Dios ta corre cu tur mal influencia/spirito pasobra ningun no por permanece den Su presencia.
Nos ta Alaba Dios pa ken E ta.
Nos ta Alaba Dios pa locual cu E a haci pa nos.
Nos ta Alaba Dios pa locual cu E a comanda nos.( Salmo 150:6).
Nos ta Alaba Dios bendiciona y honra su nomber.
Nos ta Alaba Dios pasobra nos ta stima Dios.
Nos ta Alaba Dios pa locual cu E a haci riba tera.
Nos ta Alaba Dios pasobra no tin ningun nomber mas grandi y poderoso cu Su Nomber.
Alabansa ta invita Presencia di Dios den nos hogar ( 2 Cronicas 5:11-14).
Alabansa ta trece Victoria ( 2 Cronicas 20:15-20).
Alabansa ta satisface bo alma ( Salmo 63:1-5).
Alabansa ta trece liberacion for di e enemigo(Salmo 18:3).
E beneficio di Alabansa ta , Pordon,Guia, Amor, Poder, Proteccion y Gloria.( Salmo 103:2).
Tur hende mester corda locual ta para scirbi den Exodo 20:5:
No mag di traha ningun imagen graba pa bo mes,ni nada semehante di loke tin ariba den cielo, ni abao riba tera, ni den e awa bao di tera,No adora nan ni sirbi nan, Pasobra Ami Señor Bo Dios ta un Dios jaloers.
Adoracion ta trece solucion caminda nos no ta mira.( Lucas 1:46-50).
Adoracion ta laga nos corda Dios su bendicionan.(Salmo 103:2).
Adoracion ta kibra cadena y habri porta y trece libertad. ( Hechonan 16:25-26).
Adoracion ta haci bo mente limpi di bo pasado.( Isaias 43:18-19).
Adoracion ta cura herida y ta kibra maldicion di generacion.( Salmo 147:3).
Nos por siña e Secreto di adoracion den:
Isaias 57:19 : Mi ta crea e fruta di lipnan, pas, pas pa esun cu ta leu y pa esun cu ta serca,y lo Mi cur’e Señor ta bisa,
Salmo 22:3 Ma Abo ta santu, Abo cu ta sinta, riba e trono di e alabansanan di Israel.
Salmo 8:2 For di boca di chikitonan y yuinan na pecho Bo a stablece fortaleza,pa motibo di Bo adversarionan, pa silencia e enemigo y hende vengativo.
Hebreonan 13:15 Door di dj’E anto laga nos ofrece continuamente, un sacrificio di alabansa na Dios, esta e fruta di lipnan, cu ta duna gradicimento na Su nomber.
Tur hende mester tin un bida di adoracion na Dios pasobra Salmo 105 : 1+2 ta bisa lo siguiente:
Duna gradicimento na Señor invoca Su nomber, haci su hechonan conoci den e pueblonan.
Canta na dj’E canta alabansa na dj’E papia di tur su maraviyanan.
Mundo ta yena cu obhetonan falso pa adoracion, y hasta tin tiranonan actualmente na mundo cu ta exigi pa hende adoranan.
Pesey nos mester tene bon cuenta ki sorto di musica nos ta toca den nos hogar, ki sorto di pelicula nos ta wak pasobra ora e titulo mes ta bisa nos kico e ta contene y nos ta wak e toch, nos ta duna adoracion na diabel.
Tur nos Alabansa y Adoracion,mester ta dirigi solamente na Dios.