Hopi biaha nos ta mira hende destrui nan propio bida, sea pa motibo di capricho, of adiccion , pa falta di conocemento, of bao di influencia di maldad, y mas cu claro un bida cu no tin temor di Dios, pero cu ta complaciente na amigo en bes di ta agradabel na Dios.
Si un hende ta biba un bida rechasa pa Dios, (Galatas 5:19-21) un bida den pica ,y e ta na altura di esey , ta nifica un bida cu ta spiritual, fisico y mentalmente , aparta for di Dios , y e no kier tende, e no kier arepenti, pasobra e ta haña apoyo di scuridad , cual ta pone resisti e amor cu Dios tin pe, y tambe rechasa e salbacion cu ta bini solamente di Cristo Hesus.
Pero tin un versiculo den Beibel cu tur hende por aplike y biba pa Senjor, drechando cos den tur sentido cu Dios, pasobra hopi biaha. Amistad, Placa, y Malicia ta hiba hende leu for di Dios, pero e vericulo aki ta trece bo bek ( 1 Juan 1 vers 9).
Pero kico Dios ta bisa di nos?
Mateo 10 vers 30-33 : Y hasta e drachi di boso cabey riba boso cabes tur ta conta,. Pesey no tene miedo boso ta bal mas cu un cantidad di mofi.
Pesey ken cu confesami dilanti di hende, esey lo Mi confesa tambe dilanti di mi Tata cu ta den cielo, Ma ken cu ninga Mi dilanti di hende, esey Mi tambe lo ninga dilanti di Mi Tata cu ta den cielo.
Juan 14 vers 18 Hesus ta bisa: Lo Mi no laga boso manera huerfano , lo Mi bin serca boso.
Juan 3 vers 16 : Pasobra Dios a stima e mundo asina tanto , cu E a duna Su yiu unigenito, pa ken cu kere den djE , no bai perdi ma tin bida eterna.
Romanos capitulo 8 vers 37 : Ma den tur e cosnan aki nos ta mas cu vencedor,door di Esun cu a stima nos.
1 Pedro Capitulo 2 vers 9: Ma boso ta un rasa scohi, un sacerdocio real, un nacion santo, un pueblo peculiar, pa boso por proclama e alabansa di esun cu a yama for di scuridad na Su luz maraviyoso.
Romanonan Capitulo 8 vers 31: Si Dios ta pa nos ken por ta contra nos.
Filipensenan capitulo 4 vers 13: Tur cos mi por den Cristo, kende ta duna mi fortaleza.
Tur esaki nan ta garantia di Dios, y no di hende, no ta cos cu ta caduca, pero cu ta crece tur dia den nos bida, ora nos ta busca Dios cu un curazon sincero.
Awor pakico maltrata nos curpa cu ta tempel di Dios, paden y pafo?
Pakico destrui nos mente, te na un estado cu nos mes no por guia nos bida mas?
Pakico laga e diabel infiltra y invadi nos bida, y asina causa dolor na nos sernan keri?
Pakico permiti placer di mundo destrui nos matrimonio y famia?
Pakico permiti inmoralidad, haci nos corupto y esclavo di placa ?
Pakico tanto rebeldia entre yiu y mayor , y asina biba den un situacion ireconciliabel?
Nos tin asina tanto cos bon den Cristo Hesus, y nos ta altamente balora dilanti di Dios.
Pesey Senjor nos ta pidibo den nomber di Cristo Hesus , pa bo por kita tur scama for di wowo di tur esnan cu te ainda no kier reconoce, ni tampoco acepta cu nan no por biba sin Dios.