Ora nos mira con hende ta aleha for di Dios, y cuanto Dios ta stima hende nos ta puntra nos mes, si ta di berdad cu hende a comprende e amor di Dios.
Nos tur ta mirando con maldad y inmoralidad ta aumenta y falta di respet pa Dios y su palabra a bira un custumber nos tin di comprende cu:
Dios su amor ta berdadero.
Nos Dios ta fiel.
Nos Dios ta misericordioso.
Nos Dios ta Todopoderoso.
Nos Dios ta eterno.
Nos Dios ta pordona tur pica.
Nos Dios tey tur momento.
Nos Dios ta stima nos.
Nos Dios ta cuida nos.
Nos Dios ta tur locual nos mester.
Un bida sin Dios ta un bida bashi, pasobra esun cu no ta biba cu Dios no tin nada y den un futuro lo no tin nada, pasobra ora nos muri nos ta bay cu nada, pero ora cu nos tin Dios, nos tin bida eterna den su Yiu Cristo Hesus.
Dios ta stima nos asina tanto cu E entrega su Yiu unigenito , pa ken cu kere den dj’E no bay perdi ma tin bida eterna.
Ta solamente Dios por saca nos for di scuridad y trece nos na Su lus berdadero, ta solamente Dios por libra nos for di e gara di e malbado.
Pero toch nos ta mira con hende por ta malagradecido, y ta rechasa e amor di Dios,y ta prefera e bida di maldad y inmoralidad, siendo cu Dios su amor ta simpel, fiel y berdadero.
Ta Dios ta nos rosea di bida, E ta nos unico speransa berdadero, ora hende faya cu nos Dios tey tur momento pa nos, ora malesa ataca ta Dios ta nos sanacion, ta solamente den Dios nos tin seguridad.
Aunke nos mayornan por bandonan nos, Senjor semper lo rescata nos cu su inmenso amor, pasobra Dios su amor ta bibo y real y sin fingimento.
Den Cristo Hesus nos ta mira , sinti y biba e amor berdadero di Dios, pasobra solamente Cristo Hesus a entrega su bida pa nos tur, si E a entrega su bida, pa nos tur, sin disinticion di persona of rasa.
Den Cristo no tin discriminacion, Cristo Hesus no ta rechasa ningun hende, E ta bisa: Bin serca mi tur cu ta cansa y ta carga y lo mi duna boso sosiego .( Mateo 11:28).
E enemigo di nos alma , cual ta satanas e colebra antiguo, ta bruha mente di hende pa aparta nan for di Dios, y nos tur ta mira con lew su engaño por yega, nos tur ta mira awor con Mateo 13: 36-43 ta cumpliendo y te ainda hende no kier tende.
Wak rond di nos tur con e señalnan di Mateo capitulo 24 completo ta moviendo rond mundo y te ainda tin hende cu no kier kere.
Tene bon cuenta cu tur locual ta para scirbi den 2 Timoteo capitulo 3 ver 1 te cu 9 awor ta nos realidad di bida.
Pero e dolor cu ta menasa tur dia cu locual ta para scirbi den Galationan 5;19-21 y 1 Corintionan 6:9-10, hende no ta haci caso di dje, ni tampoco tin temor di Dios.
Locual Dios ta bisa pa huy for di dje,(1 Corintionan 6: 18-20) hende ta prefera di biba den dje, y hasta defende nan curpa pa permanece den dje.
Pero nos Dios ta stima y keto bay Dios ta bisa lo siguiente: Si nos confesa nos picanan, E ta fiel y husto di pordona nos, nos picanan y pa limpia nos di tur inhustisia.