Hende por desea hopi cos, pero hopi biaha e curason no ta cla pe, hende ta desea poder, posicion, placa, cosnan material, pero hopi biaha e curason ta carga cu emocion y no por maneha, locual nan ta desea.,
Dios ta busca hende cu curason disponibel, y hopi biaha e ta husa esnan sin conocemento, pero cu un curason disponibel,pa cumpli cu Su proposito.
Dios a husa Noe pa traha e arca, sin ningun conocemento di traha barco, sin conocemento con ta deal cu parha,animal grandi y feroz, sin conocemento di laman, pero e diferencia tabata cu Noe su curason tabata disponibel.Noe tabata un cunukero.
Dios a husa David pa libra e pueblo di Israel for man di e gigante Goliath, David no tabatin conocemento militar, nunca e a tene un spada den su man, tampoco e a enfrenta guerero di tamaño di Goliath, pero su curazon tabata disponibel. David tabata un hoben wardador di carne.
Maria a ricibi bishita di angel Gabriel, e no tabatin ningun experiencia cu hende homber e tabata un birgen,y e tin plan di casa cu Hose, su integridad y bida tabata na peliger, pero den tur esey e a pone su mes disponibel, pa carga su Salbador, y sabiendo esey e a warda tur cos den su curazon.Y pa confirma esey den Lucas capitulo 1:38 Maria a bisa: Ata sirbido di Señor cu sosode cu mi segun bo palabra.Maria tabata un mucha muher compremeti.
Hesus , kende aunke E tabata existi de e forma di Dios, no a considera igualdad cu Dios, algo pa tene na dje, ma a bandona Su mes gloria, tumando forma di un sirbido, siendo traha den e semehansa di hende.Y hañando Su mes den condicion di hende E a humiya su mes, door di bira obedesido te na morto, hasta morto na un cruz.( Filipensenan 2:6-8).
Dilanti di Dios ta bo curazon ta papia, pasobra Dios ta wak curazon di hende.
Fisicamente bo curazon tin cuater camber.
Mescos ta spiritualmente, ora bo kier sirbi Dios cu un curazon integro, bo mester tin e siguiente cuater caracteristica:
Curason humilde. ( Salmo 51;17).
Curason cu ta kere: ( Romanos 10-9+10).
Curason cu ta Stima: ( 1 Pedro 1:8)
Curason Obediente:( Ezekiel 36:26:27).
Pero di otro banda ora un curason no tin Dios ta presenta tambe cuater caracteristica: ( 2 Reynan capitulo 6 -7-8).
Rebeldia,
Curason impaciente y superficial.
Curason cinico y sceptico.
Curazon cu ta murmura constantemente.
Dios ta busca hende cu curazon disponibel, un hende cu curazon disponibel, e mes ta presenta cla pa yuda, pa traha , pa esforsa , cla pa hiba e palabra di Dios.( Isaias 6: 8-10).
Inmediatamente despues cu Saulo di Tarso a topa cu Hesus riba su caminda pa Damasco, e a pone su curason disponibel pa sirbi Dios ( Hechonan capitulo 9: 4-6).
Y e a obedece locual Hesus a bise. Pesey e por a declara e palabra bisando: Ya mi no ta biba mas, mas Cristo ta biba den mi.
Y den Hechonan capitulo 19:11 e palabra di Dios ta bisa nos; Dios tabata haci milagernan extraordinario pa medio di e man di Pablo. Y hasta nan tabata hiba lenso y lantera di su curpa pa hendenan malo y enfermedadnan tabata kita for di nan y spiritonan malo tabata sali for di nan.
E tabata un excriminal cu a pone su curazon disponibel pa sirbi Señor.