No tin nada mas tristo, cu ora hende ta gaña su mes, keriendo cu ta otro hende e ta gaña y tin hasta ta cana rond pensando cu nan por gaña Dios. Tin biaha nos ta hari pa nos no yora, pasobra si bo gaña algo awe, mañan cu Dios kier bo tin cu continua cu bo mentira, y ora bo no pensa bo mascarada lo cay.
Dios ta lus y den dj’E no tin nada, nada di scuridad, esey tur hende mester sa pa evita di kere mentira.
!!!! Grandi ta e engaño cu diabel a inventa y cu hende ta kere,y hasta gobernantenan kier aproba awendia, pero cu tur hende a realisa cu Dios a traha solamente dos sexo, esta homber y muher, y tur sobra cu a bin aserca, ta habito,capricho y inmoralidad cu hende mes a prefera , door di rechasa Dios.(Romanonan 1:24-27). Pero no lubida cu Dios ta pordona tur esnan cu arepenti.
Pesey Dios ta spierta nos , pa despues ningun hende no bin cu ningun excuus pasobra tur hende a tende, lesa, scucha e palabra di Dios. (Romanonan 1:18-20).
Conociendo e tempo, cu ya ta ora pa boso lanta for di soño, pasobra awor salbacion ta mas serca nos cu tempo nos a kere.
*** Nochi ta serca di pasa,y dia ta serca di habri.
Pesey laga nos pone e obranan di scuridad un banda y bisti e armadura di e lus,
*** Laga nos comporta nos mes desentemente manera den dia, no den parandiamento y den buracheria,no den inmoralidad sexual y den sensualidad, no den pleito y envidia.
*** Ma bisti boso cu Señor Hesus Cristo, y no haci provicion pa e carni, pa cumpli cu su mal deseonan.(Romanonan 13: 11-14).
Esun cu aparta for di luz, luz lo aparta for di dje. Ta un peligro pa aparta for di caminda di Dios.
Asina ta anto: Cada un di nos lo duna cuenta di su mes na Dios.( Romaonan 14:12).
Tin hopi situacion cu hende no ta mira solucion pe especialmente den cas di famia, pasobra ta hopi hende awendia no ta mira necesario pa reconoce Dios den nan bida, cas y famia.
Materialismo a crece asina tanto cu hende a aleha for di Dios y pega nan curason na cosnan material.
*** Tur ora bo ta tende bo no por forsa un hende especialmente. ora ta trata di palabra di Dios,cual ta ensera entrega su bida na Cristo Hesus y ricibi bida eterna.
Pero diabel si ta gañe ,y ta hale bay fierno cune.
Ora nos muri , nos no por bay cu nada. Pasobra ora bo muri tur cos cu bo pega bo curazon na dje, cual tabata parti di idolatria den bo bida ta keda atras.
Pero Dios ta spierta tur hende lo siguiente:
Y mescos cu nan no a haña ta necesario mas pa reconoce Dios,Dios a entrega nan na un mente perverso, pa haci cosnan cu no ta cumbini.
Cu esaki nos ta mira cla di hendenan cu a tende palabra di Dios,( Juan 3:16-18), y toch no a haña ta necesario pa acepta Cristo Hesus.
Nan ta yen di inhusticia, maldad, golosidad,perversidad , yen di envidia,matamento, pleito, engaño,malisia, nan ta hacido di redo,calumniado, odiado di Dios,grosero arogante, gabado,inventado di maldad,desobedesido na mayornan, sin comprendemento, inconfiabel, sin amor,sin misericordia.( Romanonan 1:28-31).
Tur esaki ta sosode den bida di hende cu no ta haña ta necesario, pa reconoce Dios.
Pesey nos mester haci hopi oracion, pasobra mientras cu no bini un arepentimento e situacion di bida lo no cambia.