Ta bon pa nos tur recorda esaki: No ta existi ningun organisacion, tampoco pais, ni angelnan den cielo cu lanta contra Dios, su principionan y contra Dios Su boluntad y Su Palabra cu a gana e bataya.
Exodus 14:14 ta para scirbi: Senjor lo bringa pa boso y boso lo keda keto.
No ta existi ningun hende duro, orguyoso, arogante cu Dios, no por deal cune, hopi reynan y principenan a pensa esey y nan a wordo derota.
Farao di Egypto, Jezabel, Senaquerib di Siria, y tur esnan cu awor den tempo moderno aki a pensa cu nan a gana Dios, cual nan ta hopi pa menciona, tur mester a dobla rudia y reconoce cu Hesus Cristo ta Señor.
Tur locual hende por haci ta bochincha terenal, y Dios a demostra tur momento cu ora hende kier persisti den maldad Dios mes lo atende cu nan fuertemente (Romanonan 1:28-32).
No tin ningun Juez terenal cu por gana Dios Todopoderoso, hopi biaha hende mester perde aki na tera pa Dios ricibi e Gloria den cielo, pa asina nan no bisa despues ta nan a hacie, ni tampoco haci politica cu Gloria di Dios, pasobra Dios no ta comparti su Gloria cu ningun hende.
Laga nos corda bon cu Laman Corra no ta Moises a habrie sino ta Dios.
Dios a permiti David mata Goliat, door cu e a lanta contra Dios.
Ta Dios pa para e viahe di Jonas ora cu e kier a bay Tarsis.
Ta Dios a baha candela for di cielo contra e saserdotenan di Baal no ta Elias.
Den e buki di Isaias capitulo 37 vers 21 ta para scirbi:E ora ey Isaias yiu homber di Amos a manda bisa Ezekias: Asina Señor e Dios di Israel ta bisa: Pasobra bo a haci oracion na Mi tocante Senaquerib rey di Syria, esaki ta e palabra cu Señor contra dje.
Den versiculo 35 Señor ta bisa: Pasobra Ami lo defende e stad aki,pa salbe pa mi mes causa, y pa causa di Mi sirbido David. Y na final di e historia den versiculo 36 en adelante tur hende por lesa kico a tuma lugar.
Marco 8 :36-37 ta para scirbi: Pasobra ki probecho un hende tin, si e gana henter mundo y perde su alma? Pasobra kico un hende lo duna a cambio di su alma?Pasobra ken cu tin berguensa di Mi y di Mi mi palabranan den e generacion adultero y pecaminoso aki e Yiu di hende, tambe lo tin berguensa di dje ora cu E bin den e gloria di su Tata hunto cu e angelnan santo.
Nos ta para na momento hopi decisivo, pa nos pais y pa nos futuro generacion, y tin hopi hende ta kere cu ta contra iglesia of ta contra hende nan ta bringa, pero alcontrario ta contra Dios, ta rechaso di Dios ta tumando lugar.
Locual hende ta premira como goso/ganashi awe, den un momento of otro por bira un lamento.