Mundo henter ta preocupa cu e situacion na Medio Oriente, entre Israel y Palestina, hopi ta papia di crueldad, violencia, maldad, abuso, etc. Pero hopi no ta recorda locual Dios a bisa, pasobra tempo a bira asina moderno cu hende ta practica fanatismo, humildad falso,apoya y financia maldad cu hasta nan kier cambia palabra di Dios pa complace cu nan manera di mira e asunto.
Den Genesis capitulo 16:1-15) nos ta topa cu e historia caminda Sarai esposa di Abram a entrega su cria Egipcio na su esposo Abram, pa asina e por drumi cune, y asina Sarai lo por haña un yiu pa medio di su cria.Pasobra segun Sarai Señor no a lage haña un yiu.
Abram a drumi cu Hagar y ora Hagar a sali na estado e a despresia Sarai. E ora ey Sarai a trata duro cu Hagar y Hagar a huy bay.
Un angel di Señor a bisa Hagar bay bek serca bo shon, y somete bo mes na su autoridad.
Ademas e angel di Señor a bise Lo mi multiplica bo decendensia masha hopi mes, asina cu lo ta mucho hopi pa conta.
E angel di Señor a sigi bise:
Mira bo ta na estado, y lo bo haña un yiu homber.
Y lo bo dune e nomber Ismael, pasobra Señor a tende bo afliccion.
Y e lo ta un homber salvahe, su man lo ta contra tur hende,
Y tur hende su man lo ta contra dje.
Y e lo biba den presencia di tur su rumannan.
Esey ta locual Dios a bisa, y nos tur ta testigo awe kico ta pasando, pasobra locual Dios a bisa no ta cambia.
Dios a papia di un persona salvahe, su man lo ta contra tur hende, y tur hende su man lo ta contra dje.
Esaki ta nifica cu e persona ey lo ta den un lucha constant, lo tin deseo pa domina otro.
Pasobra hende salvahe ta depende riba su forsa y kier poder, Y esey nos ta mira awe.
Pesey nos mester haci hopi oracion, pasobra solamente pa medio di Cristo Hesus pas por drenta den e region ey.
Awor den e tempo cu nos ta biba e palabra di Dios ta yega na nos curason y Dios no a manda nos bay drecha nos cuenta y despues bini serca Dios , E a bisa bin manera bo ta. Pasobra tur hende mester arepenti y wordo salba.
Trece bo carga.( Mateo 11:28).
Trece bo berguensa. ( Isiaias 54:4).
Trece bo lagrima ( Salmo 56:8)
Trece bo miedo ( Salmo 34:4)
Trece bo duda ( Marco (9 : 23-24).
Trece bo picanan. ( Romanonan 5:8).
Trece bo curazon kibra. ( Salmo 34:18).
Hesus ta yama esun perdi ( Lucas 19:10).
Hesus ta yama e pecador (Isaias 1:18).
Dios ta keda Dios pa semper, den tur cos E ta Dios.
Dios no ta gaña .( Numbernan 23:19)
Dios no ta cambia ( Malachi 3:6).
Dios no ta drumi. ( Salmo 121:4).
Dios no por permiti e pecador drenta cielo.( Juan 3;16).
Dios no por ninga su mes,( 2 Timoteo 2:13).
No ta tur cos cu hende planea , Dios ta acepta, Dios no ta acepta bida di mentira, ni tampoco inmoralidad, Dios ta puro y berdadero, den tur cos.
Dios ta e unico cu por cambia direccion di nos bida, ora nos entrega nos bida, na Cristo Hesus algo grandi ta sosode, pasobra nos a sali for di scuridad y drenta den Su lus admirable.
Si awe bo scucha Su bos no haci boso curason duro, pasobra Dios ta wardando,
