Especialmente dedica na nos hubentud y nan mayornan, y nos futuro generacion..
Pesey no ta nada straño, pasobra satanas mes ta disfrasa su mes como angel di lus, no ta nada straño, si su sirbidornan tambe ta disfrasa nan mes como sirbidornan di husticia,kende nan fin ta segun nan obranan.(1 Corintionan 11:4:14+15).
Dios a bisa laga nos crea hende segun Nos imagen , conforme Nos semehansa.Dios a crea hende segun Su mes imagen , segun e imagen di Dios E a crea hende. Homber y Muher E a crea nan.Y Dios a bendiciona nan y Dios a bisa nan bay y multiplica.(Genesis 1:26-28)
Awendia nos ta tende di multitud di genero, un gran mentira cu diabel ta usa pa gaña hopi hende y asina mantene nan den scuridad y inmoralidad, canando diariamente cu pensamento contra e palabra di Dios.
Manera nos a yega di bisa hopi biaha, palabra di Dios no ta bira ouderwets ni tampoco tin fecha di expiracion, Dios su palabra ta permanece pa semper pa tur esnan cu ta kere den Dios y ta respeta palabra di Dios.
Diabel no por crea nada,pero locual e ta haci husa e curpa y mente di hende cu Dios a crea pa manifesta su maldad y asina hiba nan na destruccion, pero un gran berdad ta cu e no por hacie si e hende mes no scoge pa esey , pasobra tur hende tin nan propio boluntad.
Pesey e palabra di Dios ta bisa den Santiago 4:7+8 : Pesey somete boso na Dios, resisti e diabel y e lo huy for di boso.Hala serca Dios y e lo hala serca boso.
Un mentira cu mundo a cay aden y hasta gobernantenan di paisnan ta apoya. No lubida cu tur esnan cu ta contra Cristo y Su Palabra y esnan cu ta apoya nan, ta parti di e anticristo.
Pesey e Rapto lo bini pasa saca tur esnan cu ta kere den Señor for di e mundo aki ( 1Tesalonisensenan (4:16+17) y esnan cu no ta kere lo pasa den Gran Tribulacion y si nan no arepenti e final lo ta den e Lago di candela.
Aki nan nos tur ta mira e cumplimento di Juan 3:16, caminda e palabra ta bisa nos cu pasobra Dios a stima e mundo asina tanto cu e a manda su Yiu unigenito, pa ken cu kere den dj’E no bay perdi ma tin bida eterna.
Ya tin pais masha conoci pa nos riba e mundo aki cu no kier pa un hende predica e berdad,tocante genero ni tampoco pa hende haci oracion cu un hende pa e wordo libera di mal spirito cu ta domina su mente y ta controla su bida. ( Hulanda mes ta bayendo den e direccion ey, caminda ora bo papia e berdad di e palabra di Dios bo ta discrimina y bo ta ouderwets).
Pero mihor nos ta ouderwets pa hende, pero bendiciona den bista di Dios, y hiba Su palabra di berdad tur caminda.( Mateo 10:32-39).
Yuinan obedece boso mayornan den Señor, pasobra esaki ta husto. Honra bo tata y bo mama( Cu ta e promer mandamento cu promesa) pa bay bo bon y pa bo tin bida largo riba e mundo aki.( Efesionan 6:1-3).
Esposonan stima boso esposa mescos cu Cristo tambe a stima e Iglesia. Esun cu ta stima su esposa ta stima su mes,(Efesionan 5:25+28).
Esaki ta e exigencia di Dios pa un homber ta cabes di cas, y proveedor di su Famia, pasobra e esposo ta cabes di e esposa, mescos cu Cristo ta cabes di Iglesia.( Efesionan 5:23).
Palabra di Dios ta permanece pa semper.