Pasobra Dios a stima mundo, asina tanto, cu E a manda su Yiu unigenito pa ken cu kere den djE , no bay perdi , ma ricibi bida eterna.
E no a manda Su Yiu pa condena e mundo , pero pa salba e mundo, pasobra esun cu kere lo ta salba, y esun cu no kere lo ta perdi, pasobra solamente Hesus Cristo por hiba nos na salbacion.
Ta hopi cos , y hopi caminda tin cu hende a escohe cu ta parce bunita, pero cu ta hiba na un final desastroso, pero e unico caminda pa berdad, bida y felicidad ta e caminda di Cristo Hesus.
Ta hopi tristo ora hende rechasa Cristo Hesus, haci bofon, bisa cu nan no ta cla ainda, of pensa riba rikesa, posicion, bida di paranda, of permanece den inmoralidad,haci nan curazon duro, y pensa cu Dios ta warda riba nan.
Dios ta misericordioso, pero ta hende mes ta dicidi kico nan kier, pasobra awor cu bo ta na bida, bo tin chens di arepenti, bini na Cristo , crea un bon relacion, cual ta hiba bo na bida eterna.
Ora bo cera bo wowo, of mihor bisa ora bo muri, tur bo chensnan a cay na awa, no tin nada mas cu bo por haci, ni tampoco ningun hende por haci pa bo.
Pasobra mientras bo tabata na bida bo no a mustra ningun clase interes den Señor.
Semper bo a biba pa bo mes, pa materialismo, poder ,orguyo y arogancia, y ni maske cuanto hende a papia cu bo, bo tabata mas sabi, y bo a pone bo interes den cosnan di mundo, y no den Dios.( Lucas capitulo 16 vers 19-31).
Durante di e bataya den cielo, caminda satanas a rebeldia, un tercera parti di angel a wordo engaña y a djoin cune y tur a wordo derota y saca for di cielo, pasobra Dios no ta permiti ningun clase di rebeldia, arogancia, orguyo den su cas,
Pesey ta un gran peliger pa hende cambia e gracia di Dios libertinahe y ninga nos unico Maestro y Señor , Hesus Cristo.
Corda bon cu e angelnan cu no a warda nan posicion Dios a wordo destina nan pa candela eterno.
Dios a saca un pueblo for di Egypto, pero despues a destrui tur esnan cu no a kere y tabata murumura.
Mescos cu Sodoma y Gomorra y e stad nan rond di nan , kende a entrega nan mes na fornicacion y inmoralidad, y nan a bay tras di pasion cu ta contra naturalesa , a sufri e castigo di candela eterno ( Judas capitulo 1).
Tur esaki ta pa nos realisa cu nos no por cana banda di e caminda di Dios, sino cu nos tin di cana den e caminda di berdad y bida, nos no por haci, of fingi, of haci show manera nos ta cu Dios , pasobra Dios conoce cada curazon, y tur esnan di berdad cu ta di dje.
Pasobra e palabra di Dios ta bisa cu na binida di Señor, dos persona lo ta hunto uno lo bay y e otro lo keda, pasobra Dios conoce curazon di tur hende.
Cristo Hesus ta e unico caminda cu por hiba nos na Dios, tin hende a cay den trampa di diabel y tur tipo di scuridad, awor ta bo momento pa bolbe bek na Dios.
Cristo Hesus ta e berdad di Dios, no tin otro porta cu nos por drenta si no ta via di Cristo.
