Ta ken por lubida e cantica cu ta bisa , Oh ki amigo ta nos Cristo? Oh what a friend we have in Jesus? Oh que amigo tenemos en Cristo?.
E ta kita nos dolor ,
E ta nos fortaleza,
E ta kita nos tristesa ,
E ta nos Emanuel.
E ta nos amigo fiel.
E tin tur poder di Dios,
Den Hesus nos tin placer.
Awendia tur hende ta bisa: ‘I am a friend of God’.
Pero esey ta berdad? Bo ta kere den dj’E? Pasobra si bo ta kere den dj’E, lo bo ta respeta Cristo, lo bo tin confiansa den dj’E , y bo no ta haci nada pa ofende bo amigo Cristo, ni tampoco hacie tristo, ni tampoco haci e Spirito Santo di Dios tristo, pa medio di rebeldia.(Isaias 63;10).
Nos tur ta balora nos amistadnan, nos kier mustra un cara bunita tur ora, nos ta manda asina tanto mensahe, poniendo atencion.Mas ainda nos tin cu pone tur atencion na Dios.
Ta nos Fe den Dios ta haci tur cos pa nos, ta esey ta nos bida y nos speransa,ta esey ta nos pronto auxilio den tur momento, e ta doño di nos bida, pasobra locual Dios por haci pa nos, ningun hende no por haci pa nos.
E amor di Cristo Hesus pa nos no por wordo compara cu nada , den e mundo aki, aunque awendia tin hende ta papia barbaridad, cu nan ta duda den e existencia di Dios, y cada biaha nos tende e exprexion ey ,nos cu conoce Dios mester pidi Dios tene misericordia y no drenta den ningun discucion, pero simplemente pidi Dios haci su mes visibel den e persona su curason.
Cada biaha cu nos mira y tende con hende kier desvia, for di Dios su Mandamento,Boluntad y Principio,y tuma curashi di halsa inmoralidad, en bes di busca Santidad, mas profundo nos mester drenta den oracion, pasobra pa e motibonan aki e furia di Dios ta lanta contra yuinan di desobedencia.(Colosensenan 3:6).
Den Romanonan 5:8+9 ta para scirbi:
Ma Dios a demostra Su mes amor pa cu nos den esaki, cu tempo nos tabata pecador ainda Cristo a muri pa nos.
Mucha mas awor siendo hustifica pa medio di Su Sanger, nos lo ta salba for di e furia di Dios door di dj’E.
Pasobra tempo nos tabata enemigo, nos a wordo reconcilia cu Dios, door di morto di Su Yiu, cuanto mas siendo reconcilia, nos lo ta salba pa medio di Su bida.
Aki nan nos por contempla e amor di Dios pa nos bida, pesey ta un berguensa y dolor ora hende, mester desvia for di e caminda di Dios, y drenta den scuridad, of ora hende ta den scuridad, pero no kier acepta e amor di Cristo Hesus, den nan bida y ta prefera di haci bofon y rebeldia contra e Dios bibo.
Un amigo manera Cristo Hesus tey tur momento, ta nos mester acepte den nos bida, pasobra E ta esun cu a salba nos y libra nos for di tur pica.
Pesey nos mester siña confia den Dios, den e tempo trabahoso aki, cual ta bira mas dificil tur dia, y para pa e palabra di Dios, den tur circumstancia, pasobra e Dios cu nos ta sirbi no ta laga nos bandona.
Ma tur esnan cu a ricibi’E, na nan E a duna e derecho pa bira yuinan di Dios, esnan cu a kere den su nomber.(Romanonan 8:12).
Cristo Hesus ta nos unico amigo berdadero.
