Tin cu ta hari.
Tin cu haci bofon.
Tin cu no ta respeta.
Tin cu no ta kere.
Tin cu ta kere den webo di gai.
Tin cu te ainda ta spera riba algo cu hende lo inventa.
Tin ta kere den imagen.
Tin ta kere den placa.
Tin ta kere den technologia.
Tin hende cu a mete cu tur sorto di maldad, y awor nan no sa den kico mas nan kere.
Pero pronto lo yega e dia cu pa e nomber di Cristo Hesus tur rudia mester dobla, di esnan cu ta den cielo, y riba tera, y bao di tera,y cu tur lenga mester confesa cu Hesus Cristo ta Señor pa e Gloria di Dios Tata.( Filipensenan 2:10-11).
No ta importa cu un persona por ta e criminal, inmoral ,bruho, santero of satanista di mas grandi cu tin, su rudia mester dobla dilanti di e Rey di Reynan y Señor di Señornan , pasobra ta solamente den Cristo Hesus tin salbacion.
Nos ta bibando den un tempo cu hende ta kere den placa, titulo y posicion, hasta tin hende ta kere cu nan tey pa semper y ta sinti nan mes manera un dios.
Ta bon pa recorda tur hende, cu ta solamente Cristo Hesus a nace, biba, muri na crus, resusita e di 3 dia for di morto y a subi na cielo, y ta sinta na man drechi di Dios Tata Todopoderoso.
No tin ningun pa compara cu Cristo Hesus, no tin ningun cu por competi cu Cristo Hesus.
Hesus a bise: Ami ta e caminda, y e berdad, y e bida,ningun hende no ta bin serca e Tata, sino pa medio di Mi.(Juan 14:6).
Keda den mi , y Ami lo keda den boso.Mescos cu e rama no por carga fruta di su mes si e no keda den e mata di wijndruif, asina boso tampoco, si boso no keda den Mi.( Juan 15:4+5).
Bin serca Mi tur cu ta cansa y carga y lo Mi duna boso sosiego. ( Mateo 11;28).
Tur cos mi por, den Cristo , kende ta dunami fortalesa.( Filipensenan 4:13).
E cos di mas importante den nos bida ta nos salbacion ( Juan 3:16) stima Dios y stima hende.
E mundo ta transformando den lugar caminda maldad ta wordo eherce den tur forma.
E sistema di mundo domina pa satanas y compinche nan ta purba awor di influencia tur mucha cu maldad, pa asina daña e futuro generacion.
Imoralidad a aumenta asina tanto y a bira un arma politico pa gana voto y un arma diabolico pa falta respet na Dios y na Su palabra y Su principionan.
Inmoralidad ta wordo usa pa kibra famia, venena mente di muchanan cu aprobacion di gobernantenan rond mundo , y tin paisnan cu hasta comercio ta apoya imoralidad abiertamente.
E ausencia di Dios den bida di hende ta bira dia pa dia mas notabel, tur cos ta mustra cu nos ta bayendo manera den dianan di Noe y dianan di Sodoma cu Gommora.
E falta di respet , decensia, disiplina y santidad ta un demostracion di orguyo,arogancia y ponemento di confiansa den scuridad, mas cu den cosnan di Dios.
Pero den Isaias 1:16 -18 ta para scirbi: Laba boso mes, haci boso mes limpi,kita e maldad di boso hechonan for di Mi bista. Siña di haci bon,busca huisio,reprende e hende cruel defende e werfano, pleita e caso di e buida.
Bin awor y laga nos rasona hunto , Señor ta bisa: Maske boso picanan ta manera scarlata, nan lo bira blanco manera sneeuw.
Dios ta duna tur hende mesun oportunidad pa arepenti, y bolbe serca Dios.
