Aleluya, ta hopi hende ta bisa nan stima Dios, y nos no por pone nan amor na duda, pasobra tur hende mester Dios, y pone Dios na prome lugar den nan bida, pero pa bo sima Dios, bo mester obedece Dios, pasobra Dios conoce bo prome cu bo tabata den barica di bo mama, asina bon Dios conoce bo.
Pesey awendia ora bo ta mira hende ta rebeldia, ta chercha, ta biba den desobedencia y inmoralidad, nos tin di haci hopi oracion y pidi Dios tene misericordia.pasobra si un hende di berdad ta stima Dios e ta purba di tur forma pa evita di haci locual no ta boluntad di Dios.
Marco 12:30 ta bisa: Stima Señor bo Dios cu henter bo curason,y cu henter bo alma,y cu henter bo mente,y cu tur bo forsa.
1 Juan 2;15 ta bisa: No stima mundo, ni e cosnan cu tin den mundo, Si un hende ta stima mundo e amor di e Tata no ta den dje.
Pasobra tur loke tin den mundo, e deseo di carni y e deseo di wowo, y e orguyo di bida ,no ta bini di e Tata sino di e mundo.
Esaki ta demostra cu ora nos ta stima e mundo , nos ta lew for di stima Dios.
Si bo ta stima Dios bo ta obedece locual Dios ta bisa, pasobra serca Dios nos ta demostra nos amor cu obedencia.
Romanonan 8;7 ta bisa; Pasobra e mente fiha riba e carni ta ta enemistad contra Dios,pasobra e no ta somete su mes na e ley di Dios, como e no ta capas di haci esey tampoco.
Y esnan cu ta den carni no ta agrada Dios.
Ta hopi cos hende ta haci den carni y kere cu Dios ta di acuerdo cu nan, hopi hende kier manipula Dios purba pasa over di Su palabra of mihor bisa menosprecia e palabra di Dios, pa asina haci locual cu nan kier.
Isaias 1:19 ta bisa; Si boso ta dispuesto pa obedece , boso lo come lo miho di e tera.
Ta dificil yama Señor, Señor y no obedece e palabra di Señor, cada ken cu haci asina ta falta sabiduria, pasobra e ta caminda e por ricibi tur cos, pero pa falta di obedencia e ta perde tur cos.
Dios ta duna su Spirito Santo na esnan cu ta obedece (Hechonan 5:32, ta imposibel biba den rebeldia y murmuracion y wordo yena cu e Spirito Santo.
Ora nos ta kibra otro, bringa otro, traiciona otro, venga otro,y keda sin pordona otro, ta un señal cu nos no conoce Dios, pasobra esun cu conoce Dios ta stima su ruman.
Awor nos ta compronde dicon hopi plan di hende y proyecto ta faya, pasobra Dios ta mira e curason tras di e plan of e proyecto, e ta mira caminda tin falsedad, y e ta mira ken ta bay wordo perhudica, y pa su misericordia e no ta laga e asunto ey tuma lugar.
Abraham su obedencia y amor pa Dios a lage bira Tata di nacionnan.
Hose su obedencia, a pone cu e a huy for di inmoralidad, wordo sera siendo inocentemente, pero despues e mes ta e homber cu a bira gobernador di Egypto pasobra e tabata stima Dios.
Ora nos ta haci oracion constantemente, lesa y medita den nos bijbel, ayuna y busca cara di Dios , nos lo conoce Dios poco,poco y nos obedencia lo hiba nos na gran bendicion.
