Rey David a bisa: lo mi halsa mi wowonan na e seronan , for di unda mi yudansa lo bin? Mi yudansa ta bini for di Señor kende a traha cielo y tera.( Salmo 121:1)
Señor ta bo wardado, Señor ta bo sombra na bo man drechi. ( Salmo 121:5)
Señor lo warda bo salida y bo entrada, for di awor y pa semper.(Salmo 121:8).
Den e tempo turbulento y trabahoso aki, tur locual nos mester haci tur dia ta faha nos confiansa den Señor, pasobra solamente den Señor tin salbacion.
Señor ta serca di tur esnan cu sclama na dj’E, serca di tur esnan cu ts sclama na dj’E di berdad.( Salmo 145:18).
Inmoralidad y malisia ta aumenta, hende su curason ta desvia for di Dios, aspirando placa, posisicion y poder, pero nada por supera e soberania di Dios.
Bendiciona ta e hende cu ta confia den Señor, y kende su confiansa ta den Señor.( Jeremias 17:7)
Tin ta confia den garoshi , otro den cabay, ma nos ta confia den e nomber di Señor nos Dios. ( Salmo 20:7)
Tur mayor mester encurasha nan yiu pa kere den Dios, para firme y confia den Señor cu henter nan curason, y no duna e diabel ningun chens.
Ma pa loke ta ami, mi ta confia den bo O Señor.” Mi ta bisa bo ta mi Dios.”( Salmo 31:14).
Ta miho tuma refugio den Señor cu confia den hende,( Salmo 118:8).
Yerba ta seca y flor ta marchita , ma e palabra di Dios ta permanece pa semper, cosnan temporal bo ta haña tur caminda, pero cosnan profundo y eterno, y mas cu tur cos sabiduria ta serca Dios bo por hañe.
Ora bo ta pasa door di awanan lo Mi ta cu bo.
Y door di ruinan , nan lo no lastrabo bay cu bo.
Ora bo ta cana door di candela esaki lo no flamabo,ni e vlam lo kima bo. Pasobra Ami ta Señor bo Dios esun Santo di Israel, bo Salbador.( Isaias 43:2-3).
Awendia malisia, perversidad y impuresa ta wordo plania pa medio di un decreto.
No laga nos lubida locual cu palabra di Dios ta bisa:
Ay di esnan cu ta yama locual cu ta malo bon, y loke ta bon malo,loke ta scuridad lus, y loke ta lus scuridad, loke ta marga dushi, y loke ta dushi marga, ( Isaias 5:20)
Awor cu berdad ta wordo troci, y tur clase di bulgaridad ta wordo acepta como informacion, nos mester stabilisa nos fe den Dios, pasobra e palabra di Dios ta bisa:
Lo bo warda den pas perfecto esun cu su pensamento ta permanece den Bo, pasobra e ta confia den Bo. Confia den Señor pa semper, pasobra den Dios e Señor nos tin un baranca eterno.( Isaias 26:3-4).
Tur palabra di Dios ta puro, E ta un escudo pa esnan cu ta tuma refugio den dj’E.( Proverbionan 30:5).
E guia den e palabra di Dios, ta primordial den nos bida, pa nos por ta un ayudo pa nos prohimo, pasina nos por yuda hopi hende scapa di e candela enterno, y ora nan arepenti y kere den Cristo Hesus nan lo ricibi bida eterna.
Confia den Señor cu henter bo curason, y no depende riba bo mes comprendemento, den tur bo camindanan reconoc’E y e lo dirigi bo berehanan.( Proverbionan 3:5)
No lubida riba Señor su invitacion: Bin serca mi tur cu ta cansa y carga y lo Mi duna boso sosiego. ( Mateo 11:28).
