Mescos cu Juan Bautista tabata prepara e caminda pa binida di Cristo Hesus, awor aki e sistema di Mundo ta preparando caminda pa e binida di anticristo.
Hopi ta scoge pa e caminda hancho, cual ta mustra bunita, moderno,atractivo financieramente y yena cu inmoralidad, cu ta hiba na morto y destruccion.
Esaki ta no ta fakenews, pero ta locual Crsito Hesus a spierta mundo di dje, y locual hasta profetanan den testament bieu a scirbi, cu hasta awor nos ta mira cu mas claridad, pasobra tur señal y tur acontecimiento ta musta den e direccion ey.( Daniel 11:36-37).
Genesis capitulo Seis y capitulo 7 ta mustra nos con e maldad di hende tabata grandi tera y cu tur intencion di e pensamentonan di su curason tabata continuamente maldad so, y cu a duel Dios di a traha e hende ( Genesis 6:6-7)
Ma Noe a haña gracia den bista di Dios, y asina Dios a tene misericordia y a instrui Noe con pa traha e arca den obedencia na Dios y asina Noe y su famia por a scapa for di e diluvio. Den Genesis 7:1 Señor ta bisa cu ta solamente Noe Mi a mira cu ta husto Mi dilanti den e tempo aki.
Den Genesis capitulo 18 :20-33 Abraham ta intercede pa Sodoma y Gommora pero Dios no a hanja ningun husto, Pesey Señor ta manda dos angelnan pa saca Lot y su Famia for di Sodoma y asina despues cu nan a sali, Señor a destrui Sodoma y Gommora cu candela y swafel for di cielo.
Awendia ora wordo papia di Sodoma y Gommora, hopi hende ta kere cu un tipo di pecador ( inmoral) so tabata biba ayanan, pero di berdad cu beibel ta bisa cu e hendenan di Sodoma tabata masha malo y pecador contra Dios ( Genesis 13:13).
Pero corda tene cuenta cu ta Lot mes a scoge pa bay biba aya pa motibo di su deseo di rikesa y gana di propiedad.
Awel den e tempo cu nos ta bibando aki e spirito di anticristo cu ta moviendo riba e mundo aki ta hibando hende den e mes un direccion di Sodoma y Gommora, cual ta un bida sin Dios, yena cu rikesa, maldad y tur clase di inmoralidad.( 2 Thesalonisensenan 2:5-7).
Tur e spiritonan malo cu tabata move riba Sodoma y Gommora y otro nan mas corupto, malbado,moderno y sushi ta moviendo riba mundo actualmente.
Cristo Hesus pronto lo bini pa busca su pueblo.( 1 Thesalonisensenan 4:16-17).
Y cu ora Cristo Hesus bini pa haci huicio riba e mundo aki, satanas y tur su compinchinan lo wordo tira den e lago di candela y swafel ( Revelacion of Apocalipsis 20:7-10).
Dios den su inmenso amor a manda su Yiu unigenito, pa asina tur esnan cu kere den dj’E no bay perdi ma tin bida eterna ( Juan 3:16-18).
Tur esnan cu kere den nan curason y confesa cu nan boca cu Cristo Hesus ta Señor lo ta salba, pero esnan cu no kere, lo no hereda e reino di Dios,
Awor locual hende tin di reconose ta, cu Dios sa exactamente ken ta e keredornan berdadero y ken ta esnan cu ta haci manera nan ta kere, of ta kere parcialmente, ta duda of ta chercha.
E unico forma pa evita di bira esclavo di anticristo for di awor aki y tambe den futuro ta ora un hende personalemente scoge pa entrega su bida na Cristo Hesus y biba pa Señor, no tin otro salida.
Cristo Hesus ta e caminda e berdad y e bida.
1 comment
[…] Source link […]