Si bo tin un yiu , of bo tin 2 yiu , of bo tin 10 yiu , abo como mayor semper lo keda responsabel pa bo yiu.
Esey ta un responsabilidad cu Dios a duna bo, asina cu bo tin yiu, pasobra Dios a confia bo cu yiu, pasobra yuinan ta herencia di Dios y e fruta di barica ta un recompensa ( Salmo 127:3).
Tur yiu tin derechi riba cas, cuminda, paña y educacion, y esey ta e mayor den mayoria parti e mayor biologico mester zorg pa esey.
Awendia tin hende ta bisa cu nan tin yiu, pero a pa x motibo e yuinan no ta carga nan faam, pa x motibo nan no ta hunto cu e mama, y pa tristo cu e por zona pa x motibo nan no ta cria nan yiu. Den un palabra bisa abo como tata ta perhudica e mucha su crecemento.
Anto pesey nos tin hopi mucha ( hoben) cu no sa mes ken nan ta, cu ta biba con cu ta, pasobra nan mayornan no a mantene e responsabilidad cu Dios a duna nan for di principio.Pasobra abo como mayor mester educa bo yiu den Señor ( Efesionan 6:1-4).
E tempo ta trabahoso , manera tur hende sa, y ta bibando den dje, y pesey como mayor, bo mester habri bo wowo, si bo kier bienestar pa bo yiu. Pasobra maldad ta loer riba muchanan, y malicia y inmoralidad ta disfrasa na tur sorto di cos basta nan influencia nos hubentud.
Nos no mester trata di tapa solo cu un dede, pero mester enfrenta e berdad, y para firme pasobra locual Dios a bisa den 2 Timoteo 3:1-5 ta cumpliendo cada dia mas y mas.
Alerta nos mester ta den oracion, coreccion y disiplina, pasobra esun cu no ta disiplina , ni tampoco coregi su yiu for di chikito no stima su yiu, pasobra si for di chikito bo no disiplina un mucha, ni tampoco bo coregi su actitud, asina cu e bira un tiki grandi dificultad ta cuminsa, y no tira bo dolor di cabes riba telefon, internet, amigonan etc.
Palabra di Dios ta bisa cu: Mal compania ta daña bon custumber,( 1 Corintionan 15:33), pero tene cuenta cu bon custumber mester wordo sembra for di chiki , pasobra esey ta un mandato di Dios na tur mayor,
Nos ta asercando fin di aña y despues di dje, ta bini Carnaval, despues di dje ta bini campamento, tur locual ta bini , ta locual nos tur sa cu lo tin hopi movecion di hubentud, y ta nos deber como mayor pa ta extra alerta den e tempo aki. Pasobra ora nos yiu haña accidente, of cay den man di polis pa un delito, ta nos ta e prome cu nan ta puntra pe,
Yuinan , sea obedecido na boso mayornan den tur cos, pasobra esaki ta agradabel na Señor, ( Colosensenan 3:21). Esaki ta locual tur mucha mester sa cu mas respet nan tin pa nan mayornan y otro hende en general mas bendiciona nan ta.
Si nos lanta nos yuinan den Señor, nos por evita cu nan ta cay den gara di scuridad, den maldad y inmoralidad, pasobra ta solamente e man Dios, por libra nos hubentud den e tempo trabahoso aki.
Un tempo den cual, cu aunke tin tanto techologia, laga nos comunicacion ta mas personal posibel,pa asina amor, coreccion y displina wordo practica constantemente.
Nos mester ta alerta, pasobra e tempo den cual nos ta biba ta rekeri esey di cada mayor, pa nos ta responsabel.( Proverbionan 29:17).
