Si nos no ta cana den boluntad di Dios, nos ta cana robes, si un hende ta bisabo den un combersacion pa no hinca Dios den e asunto, cuidao pasobra e persona kier manipula bo, pasobra sin Dios nos no ta nada.
Si bo ta traha pa hende cu no kier tende di Dios.
Of caminda bo tin di separa Dios for di bo trabao.
Y ni un oracion bo no por haci na boca di trabao, y ora di tuma cierto decision Dios no ta wordo respeta, y su Palabra ta wordo poni un banda y temor pa Dios no tey..
Wak pa abo si mantene bo fieldad na Dios, manera den Daniel Capitulo 3 y Daniel Capitulo 6.
Maske bo wordo tira den forno di candela, of den cueba di leon, Señor lo ta cu bo tur momento pa libra bo for di candela y for di boca di leon.
Ta importante pa nos cana y biba den e boluntad di Dios pasobra nos tin di corda cu nos bida y nos curpa ta fia, e no ta di nos mes , e ta di Dios, y nos no por hunga e rol di independisa nos bida for di Dios y asina cuminsa cana den nos propio boluntad, pasobra esey no ta obra pa bon den nos bida.
No tin crecemento ora nos separa for di e mata di bida cual ta Cristo Hesus ( Juan 15:4).
Tur cos cu nos propone pa haci , no ta importa kico e ta, si e no ta den boluntad di Dios pa nos hacie e no ta funciona e lo trece solamente cansancio y fustracion.
Tampoco nos por sconde pa Dios of sali for di su boluntad, y no obedece su yamada, pasobra nos tur conoce e historia di Jonas, y pa medio di esaki nos tur sa cu nos mester ta serio y determina.
Hende por traha hopi plan yena kalender cu hopi cos, pero Dios ta esun cu tin e ultimo palabra.
Ora bo ta un persona cu ta kere, biba y cumpli cu e boluntad di Dios, bo reis lo ta planta den Cristo Hesus.( Salmo 1:1-3)
Y e siguiente cualidadnan lo wordo reconoce den bo:
Bo no por wordo facilmente manipula of controla door di hende, bo bista ta firme riba Dios. ( Daniel 6: 10)
Bo no ta broma cu posicion, y cosnan terenal, pero bo ta glorifica Dios pa tur locual cu E a haci den bo bida.(Filipensenan 3:12+13+14).
Bo no ta busca bo propio interes, pero tur caminda cu ta na bo alcanse bo ta saca bo man y yuda.( Filipensenan 2:4).
Ora bo reis ta planta den Cristo, bo por deal cu ofensa y rechaso, pasobra bo sa cu bo humildad lo hiba bo dilanti di Dios y hasta dilanti di reynan ( Mateo 5:38-42).
Ora bo ta un persona planta den Cristo Hesus, ya bo no ta biba mas , pero Cristo ta biba den bo, y bo carni a muri pa Su Spirito por biba den bo. ( Romanos 8 : 5-8).
Con bo ta sa cu e caminda den cual bo ta cana no ta den boluntad di Dios:
Awel lo presenta fustracion constante, cansancio, stress, depresion, porta cu ta sera, acuerdo nan cu no ta resulta, no tin crecemento, mentira etc.
Bo relacion cu Dios ta disminui, bo ta perde gana di haci oracion, y bishita cas di Dios,un frialdad spiritual ta drenta bo bida.
Pero ora bo ta haci boluntad di Dios bo por ta sigur di esaki:
Esaki ta e confiansa cu nos tin Su dilanti, cu si nos pidi cualkier cos conforme Su boluntad E ta tende nos.( 1 Juan 5:14+15)