Esun cu ta kere cu e por biba riba su mes, den grandesa , orguyo, inmoralidad, inhusticia, ta gaña su mes y ta carga cu e consecuencia, pasobra den e bida aki tur hende mester di Dios.
Ora prueba di bida bati na nos porta nos mester corre bini serca Dios, y no busca salida den droga, alcohol, paranda, pasobra ningun di e cosnan no por reemplasa e presencia di Dios den nos bida, den un palabra bisa, nan no por yena e bashi den nos curason, ta solamente Cristo Hesus por yuda nos.
Pesey nos mester fortifica nos fe den Dios, haciendo oracion, lesando nos bijbel, bishitando cas di Dios, cual ta nos iglesia, scucha e palabra via di radio, tv , of internet, pa asina nos respaldo spiritual aumenta.
E enemigo ta gusta haña un mente bashi y desampara, pa asina e por yene cu su maldad, y asina sin bo pensa, bo por bira , un yoyo, un instrumento di maldad, cu no tin control, tampoco e dominio propio riba bo bida, pesey ta sumamente necesario e presencia di Cristo Hesus, den bo bida.
Pesey nos mester disiplina nos mes den santidad ( 1 Timoteo 4:7), y hala leu for di locual cu ta maldad, pasobra Dios conoce esnan cu ta di dje.
Tur scritura ta inspira pa Dios,y ta util pa siñansa , pa reprendemento,pa coreccion, pa educa den hiusticia, pa e hende di Dios por ta perfecto, ekipa pa tur bon obra. ( 2 Timoteo 3:16-17).
E palabra di Dios ta siña nos lo siguiente”
Hebreonan 11:6 : Sin Fe ta imposibel agrada Dios,pasobra esun cu ta bin serca Dios, mester kere cu E ta Esun cu ta recompensa esnan cu ta busca E.
Efesionan 2:8-9; Pasobra pa medio di gracia boso a wordo salba door di Fe, y esey no di boso mes, e ta don di Dios.No como resultado di obranan, pa ni un hende no gaba.
Lucas 7:50 E a bisa e muhe: Bo fe a salbabo bay na pas.
Romanonan 5:1 Pesey siendo hustifica pa medio di Fe, nos tin pas cu Dios, door di nos Señor Hesus Cristo.
2 Corintionan 5:7 Pasobra nos ta cana pa medio di Fe, no pa medio di bista.
Galationan 2:20 Mi a wordo crusifica cu Cristo, y no ta ami ta biba mas, ma Crsito ta biba den mi, y e bida cumi ta biba awor den carni,mi ta biba pa medio di Fe, mi ta biba pa fe den e yiu di Dios, kende a stimami, Y a entrega su mes pa mi.
Efesionan 3:17-19 Pa asina Cristo ta biba den boso curason, pa medio di Fe,y pa boso teniendo rais bon pega, den amor,por comprende huntu cu tur e santonan, cual ta e hanchura, y largura y profundidad, pa conoce e amor di Cristo, cu ta surpasa conocemento, pa boso wordo yena cu tur plenitud di Dios.
1 Juan 5:4 Pasobra tur loke ta naci di Dios ta vence mundo, y esaki ta e victoria cu a vence mundo ta nos Fe. Y ken ta esun cu ta vence mundo , si no ta esun cu ta kere cu Hesus ta e Yiu di Dios?
Den Daniel capitulo 3: 17, nos por mira con tres hoben a wordo tira den forno di candela, y a sali completamente bon,sin ta hole huma, pasobra Dios ta respalda tur esnan cu tin Fe den dj’E.
Ta tempo pa nos para firme den nos Fe, y no wordo hala di aki pa aya, pasobra sin Fe ta imposibel agrada Dios.
