Pasobra Dios a stima mundo asina tanto cu E a duna su Yiu unigenito, pa ken cu kere den dj’E , no bay perdi ma tin bida eterna.( Juan 3:16).
Esaki ta e amor cu Dios ta ofrece na tur hende sin distincion, di rasa of color.
Pasobra awor tur hende ta mira cu locual Isaias a profetisa den capitulo 5:20 ta sosode diariamente den nos bista y awor hasta nos ta mira con multitud di hende ta cay den eror y falta e amor di Dios.
Den Isaias 5:20 ta para scirbi: Ay di esnan cu ta yama loke ta malo bon, y loke ta bon malo, loke ta scuridad lus, y loke ta lus scuridad, loke ta marga dushi, y loke ta dushi marga.
Den un palabra bisa esnan cu ta haci inmoralidad, perversidad y impuresa nan derechi y nan forma di biba, y nan ta busca tur manera aki bao riba tera pa nan wordo hustifica.
Anto ta ora di ofrece amor na esnan cu falta e amor di Dios,
Pasobra solamente e amor di Dios por cambia hende,
E amor di Dios por transforma curason di hende,
Pasobra di berdad caminda tin hopi engaño di e enemigo, hende mester di un toke di e amor di Dios.
Ma Dios a demostra Su mes amor pa cu nos den esaki, cu tempo nos tabata pecador ainda, Cristo a muri pa nos.( Romanonan 5:8),Y trahando hunto cun’E nos tambe ta roga boso pa no ricibi e gracia di Dios envano, pasobra E ta bisa: Den e tempo aceptabel Mi a scuchabo, y riba e dia di salbacion Mi a yuda bo, mira awor “ ta e tempo aceptabel, mira awor ta e dia di salbacion.
Nos mester splica e palabra na placa chiki pa evita cu diabel ta cohe bentaha den bida di hende y asina hiba hende den perdicion. 1 Corintionan 6:9-10-11 ta para scirbi:
Of boso no sa cu e inhustonan lo no heredad e reino di Dios?
No laga nan gaña boso: Ni fornicador,ni adorador di dios falso, ni adultero,ni esnan afemina, ni homosexual,ni ladron,ni esnan golos pa placa,ni burache,ni blasfemado, ni estafador,lo no hereda e reino di Dios.
Y asina algun di boso tabata: ma boso a wordo laba, ma boso a wordo santifica,ma boso a wordo hustifica den e nomber di nos Señor Hesus Cristo, y den e Spirito di nos Dios.
Esaki ta splica un y tur cu si diabel a gañabo, e amor di Cristo Hesus por librabo completamente for di gara di e enemigo y haci bo un disipel di Cristo.
Pasobra den Cristo tur cadena diabolico ta wordo rementa for di otro.
Nos ta stima pasobra E a stima nos prome. Si un hende bisa, Mi ta stima Dios,y ta odia su ruman, e ta un gañador , pasobra esun cu no ta stima su ruman cu e a mira, no por stima Dios Kende e no a mira,E mandamento aki nos tin di dj’E, cu esun cu ta stima Dios mester stima su ruman tambe.( 1 Juan 4:19-21).
Pasobra mi ta convensi cu ni morto, ni bida, ni angelnan, ni prinsipadonan, ni cosnan presente,ni cosnan futuro,ni podernan, ni haltura, ni profundidad, ni ningun otro cos crea, lo por separa nos di e amor di Dios, cu ta den Cristo Hesus nos Señor.( Romanonan 8:38-39).
E plan di enemigo ta pa trece discucion,desunion, pleito , enemistad, odio y rabia, pero como yui di Dios, nos no tin tempo pa perde, pesey nos ta ofrece amor di Cristo.