Cada biaha cu un mayor negocia cu su yiu , por ehempel , laba e auto pa mi, y lo mi fia bo e auto awenochi, pa bo sali cu bo amigonan , sabiendo cu e gran berdad cu e yiu no tin rijbewijs e ta negociando cu su autoridad.
Cada biaha cu un mayor ta permiti su yiu haci cosnan ilegal y e ta keda keto, e ta negociando cu su autoridad.
Den boca di mucha tin un palabra cu ta bisa “Snitch” esey ta nifica bo a haci redo riba mi, of bo traiciona mi, pasobra locual mi a haci malo abo a sake na cla.
Den mundo di gang “snitch” ta algo hopi grave, pasobra bo por pone hende cay sera of perde nan bida.
Pero un mayor no ta “snitch’ e mester bisa e berdad pa caba cu e bagamunderia cu ta tumando lugar y cu den un palabra bisa, a sali for di man.
Ta di unda a sali cu un mayor tin di mira cos malo tuma lugar, keda keto, laga cos bira grandi te ora e mucha cay den man di husticia,daña nomber, trece berguensa, perde scol, bay sera, y despues no por haya un trabao pa motibo di papel di buena conducta.
Tene bon na cuenta: For di e momento cu un mayor no por pone ordo riba su yiu, cu por ehempel e no por trece nada bin sconde na cas, pasobra e yiu ta rabia, tin algo cu no ta bon, pasobra den casonan asina e mayor no por negocia cu su autoridad.
Tempo a cambia y inval por wordo haci na bo cas, cu detencion di bo persona, acusando bo di hopi cos, bo potret ta sali den media, bo integridad y bo trabao, ta na peliger, djis pasobra bo a negocia cu bo autoridad.
Pa esnan cu a mira e pelicula “ Scareface” den añanan nobenta, por a mira cu e Mama di “Scareface “ nunca a acepta ningun placa di droga for di Scarface..
Den Efesionan 6 : 4 ta para scirbi pa tatanan no provoca boso yiu na rabia. Esey ta nifica, cu un mayor mes no por bully su yiu, ni tampoco ofende constantemente,tampoco tira su pasado na su cara,tampoco maltrata fisico of verbal, pasobra Dios no ta di acuerdo cu esey. E no ta bon den bista di Señor, pero e mucha mester wordo lanta den disiplina y instruccion di Señor.
Pero ora ta trata di respet y temor di Dios, respet pa autoridad, y respet pa prohimo, no tin asunto cu e mucha por rabia, pasobra autoridad di mayor no ta negociabel.
Locual bo sconde awe lo ta bo berguensa mayan cu Dios kier.
Un mucha por rabia cuanto cu e kier pero den e hogar ta abo como mayor tin e autoridad maximo despues di Dios, y no ta consehabel pa tolera manipulacion y bagamunderia na man di ningun mucha.
(1 Samuel 2:12).
Pasobra asina bo ta cria bandido pa comunidad, y un futuro ciminal,pasobra muchanan asina hunto nan ta forma gang y terorisa full un bario.
Mi yiu no lubida mi siñansa, ma laga bo curason warda mi mandamentonan.Pasobra dianan largo, bida largo y pas, nan lo agrega na bo.(Proverbionan 3:1-2).
Un yiu sabi ta haci caso di disiplina di su tata, ma e hacido di bofon, no ta haci caso di reprendemento.( Proverbionan 13:1).
Ta dificil lanta un mucha den e tempo trabahoso aki sin Dios, pasobra e enemigo ta loer riba hubentud pa destruccion. (Proverbionan 19:18).