Dios ta Fiel semper fiel. E no ta cambia , e ta mesun Dios ayera awe y semper, e ta bibo y real, su presencia y su palabra, ta nos luz y caminda, y bienaventura tur esnan cu ta confia den Señor.
Su amor ta eterno, Cristo Hesus no a stima nos pa locual E por ricibi for di nos , pero E a stima nos pa asina E por duna tur locual cu E tin na nos , pesey E a entrega su bida pa nos .
Pesey sea imitadornan di Dios, manera yuinan stima, cana den amor, mescos cu Cristo tambe a stima boso, y a entrega Su mes pa nos, un ofrenda y un sacrificio na Dios como un holor dushi.( Efesionan capitulo 5 vers 1+2.)
Bienaventura tur homber y muher cu ta den matrimonio y ta fiel na nan esposa y esposo, cu por bati riba nan pecho y bisa cu un cara contento, ami ta un homber di un solo muher y un muher di un solo homber, pasobra e esey ta boluntad di Dios, esey ta e amor cu Dios kier pa biba mey , mey di nos , si esey no ta biba den nos matrimonio, anto e ora ey nos bida matrimonial ta un mentira, y esey ta motibo cu norma y balor ta cay cada dia den nos Sociedad, pa falta cu nos base di famia ta temblando, tur dia ta debilita, pa falta di respet na Dios.
Pasobra ora hende ta biba den infieldad cu otro , nan ta haci bofon di otro, y tambe haci bofon di Dios , kende a institui matrimonio, no ta existi matrimonio mas o menos, tur matrimonio, entre homber y muher mester ta puro y berdadero, yena cu amor y stimacion manera Dios ta manda nos den Genesis caitulo 2 vers 24.
Si un matrimonio un of noviazgo prome cu casa no ta den fieldad hende no tin nada di celebra, pasobra bo ta celebrando un mentira.
Nos mester bin bek na norma y balor den matrimonio y famia, pa asina e por refleha riba nos yuinan y den nos comunidad. Amor no ta solamente Flor pero Amor ta fieldad.
Matrimonio ta algo hopi serio e mester wordo Honra y Balora , pasobra Dios ta yama nos pa duna cuenta di esey, Matrimonio entre homber y muher mester wordo protega como e instrumento cu Dios ta usa , pa multiplicacion di hende.
Ta solamente den matrimonio entre homber y muher creacion y multiplicacion di hende por continua.
Pesey Dios ta exigi fieldad matrimonial, pasina Su amor y respet por reina , y su bendicion por prevalece den tur famia .
Laga matrimonio wordo honra pa tur hende, y laga e cama matrimonial ta sin mancha, Pasobra Dios lo huzga fornicario y adultero nan (Hebreonan Capitulo 13 ver 4).
No ta existi division of divorcio sin dolor , aunke e pareha no tin yiu, e simpel separacion ta haci dolor y e ta causa stress.
Ta keda notable e falta di respet den mayornan un pa otro ta refleha den rebeldia, y falta di moral y respet den e muchanan, pasobra falta di un mama of tata autentico den cas , semper lo refleha den un tristesa pa e muchanan.
Pasobra locual Dios a ordena, locual Dios a institui, Locual Dios a proclama, hende no por haci bofon di dje.
