Tin cos cu ta parce normal, pero dilanti di Dios y esnan cu ta stima Dios, e cosnan aki no ta normal, y maske cuanto hende ta tolera maldad , serca Dios e ta keda maldad.
Ora bo tende cierto expresion cu ta sali for di Famia:
Bonochi conta cu bo tata? E no ta biba serca nos.
Conta cu bo mama? Ami no sa di dje, ta serca mi wela mi ta biba.
Y bo ruman na unda e ta?, Ay no puntra mi pa hende.
Bo mayornan ta altura cu bo riba caya awor aki? Un tin mester mi mes por cuida mi mes.
Esaki ta pregunta y contesta cu ta haci hende tristo, pero cu awor nan ta birando normal, y ta parse cu en bes di drecha asunto, nos ta aceptando e situacion.
For di principio Dios a institui famia, door di e matrimonio entre un homber y un muher for di cual e ser humano ta wordo multiplica. Pesey Dios ta ordena amor den famia na prome lugar.
Mateo Capitulo 19 vers 19 ta bisa : Honra bo tata y bo mama , y stima bo prohimo manera bo mes.
Tur hende tin un famia, no ta existi hende cu no tin famia, hopi ta faya cu nan famia, y tin e curashi di bisa mi no tin famia.
Aunke bo bandona bo esposa / esposo, toch bo yuinan ta keda bo yuinan y nan ta keda bo sanger y no tin ningun hende cu por reemplaza bo amor pa bo yuinan.
Hopi biaha tin hende ta actua manera nan no tin balor di locual cu Dios a duna nan, of como mayor bo no ta stima bo yuinan..
Ta parce manera falta di pordon a bira algo di broma cune, of e ta hacibo sabi y cu hopi poder, pero alcontrario ora bo no kier reconcilia cu bo mes famia, bo mester di Dios den bo bida.
Colosensenan Capitulo 3 vers 13 ta bisa: Y boso soporta otro y pordona otro, si un di boso tin un keho contra un otro, mescos cu Señor a pordona boso,asina boso tambe mester haci.
Efesionan 5 vers 28 ta bisa : Asina esposonan tambe mester stima nan esposa manera nan mes curpa, esun cu ta stima su esposa ta stima su mes.
Ora Esposo ta papia malo di Esposa ta e enemigo ta gosa, pasobra e diabel ta enemigo di famia y matrimonio, pasobra su plan ta pa horta, mata y destrui y tur momento e ta purba di kibra matrimonio y asina e por daña e yuinan.
1 Timoteo 5 vers 8 ta bisa:Ma si un hende no provee pa su mes hendenan, y specialmente pa esnan di su cas, e a nenga su Fe y ta pio cu un incredulo.
Otro dolor ta ora un tata bandona cas y no ta cria su yiunan, e ta un gran dolor, tanto pa e mama como pa su yuinan.
1 Juan 5 vers 19+20 Ta bisa; Nos ta stima, pasobra E a stima nos prome.Si un hende bisa, Mi ta stima Dios, y ta odia su ruman, e ta un gañado, pasobra esun cu no ta stima su ruman cu e a mira, no por stima Dios, kende e no a mira. E mandamento aki nos tin di djE, cu esun cu ta stima Dios, mester stima su ruman tambe.
Sea sumiso un na otro den e temor di Cristo(Efesios 5:21).
Dios tene misericordia.
