Asina mes Aleluya, esaki ta alegria pa tur esnan cu ta kere, cu locual Dios a priminti den Juan Capitulo 3 vers 16+17+18+19 ta realidad, pasobra Dios no kier pa ningun hende bay perdi, pero pa tur bini na repentimento (2 Pedro capitulo 3 vers 9).
Romanonan Capitulo 8 vers 1 ta recorda nos: Pesey awor no tin condenacion pa esnan cu ta den Cristo Hesus.
Pasobra ya nos no ta cana mas segun e carni cu tur su maldad nan pero nos ta cana segun e Spirito,
Y tur esnan cu ta wordo guia pa e Spirito di Dios esaki nan ta yiu di Dios ( Romanos 8:14).
Dios a bisa den su palabra cu esun cu kere lo ta salba y esun cu no kere lo ta condena. Esun cu kere lo ricibi bida eterna y lo conoce cielo esun cu no kere lo ricibi morto eterno cual ta fierno.
Y awor a bira e tempo pa tur mayor, haci lo maximo pa henter nan Famia kere den Hesus Cristo y no ta cuestion di religion, ta cuestion di salbacion, pasobra ta existi hopi religion, pero salbacion ta bini solamente y unicamente , pa medio di Cristo Hesus nos Señor.
No a sobra tempo pa discuti ken ta mihor, ken ta mas sabi , pero ta tempo di arepenti, pasobra nos tur a faya y ta falta e gracia di Dios, ta tempo p a busca Cristo e unico caminda di berdad y bida.
Tur hende ta haña mesun oportunidad, Dios no ta rechasa ningun hende , tur esnan cu ta cansa y carga laga nan bini serca Señor ( Mateo capitulo 11 vers 28) , tur hende ta liber pa escohe pa ken nan kier biba y ta ken nan kier sirbi. Si bo sembra den carni of biba pa e mundo cu tur su maldadnan lo bo cosecha corupcion for di e carni, mas esun cu sembra pa e Spirito,cual ta den bondad, respet .amor, y temor di Dios, lo cosecha bida eterna for di e Spirito.( Galationan 6 :8).
E mayor cu ta stima su yiu lo lante den caminda di Dios, sabiendo cu asina e ta preveni su yiu di cay bao di condenacion, pasobra esaki ta locual Dios mes a bisa.
Pasobra kico ta bal si nos yuinan tin tur cos material, nan a bay bon scol, y a gradua , y nos ta broma y bisa cu e mucha ta bon studia, pero su karakter y actitud ta pone cu su bida ta na werki pa falta di conocemento di e palabra di Dios.
Ningun hende den bo hogar no mester cay bao di condenacion, pasobra como mayor bo a aplica Efesionan 6 vers 1-4 den bo hogar,
Salmo 34 vers 21+22ta bisa: Maldad ta mata e matado, y esnan cu ta odia e husto lo wordo condena.
Señor lo redimi alma di su sirbidornan: Y ningun di esnan cu ta tuma refugio den dj’E lo no wordo condena.
No lubida cu den e buki di Galatas capitulo 5 vers 19 te cu 21 ta splica nos con hende por scohe condenacion pa nan propio curpa, pero den e buki di 1 Juan capitulo 1 vers 9 , nos por mira e misericordia di Dios riba nos bida. Esey ta nifica pa nos arepenti y sali for di maldad y no keda ripiti mesun cos.
