Nos historia awor ta mas accesibel pa hobennan y muchanan cu kier haya sa mas di historia di nos pais y tur loke bo por haya bou di un solo base di dato ta increibel. Crea door di Archivo Nacional Aruba, Biblioteca Nacional Aruba, Unoca, Museo Arqueológico Nacional Aruba, Stichting Monumentenfonds Aruba, Tele Aruba y Plantage Zorg en Hoop di Hulanda.
Un iniciativa cu a tuma hopi tempo den proceso ta awo accesibel riba diferente caminda pa hoben cu kier conoce y busca tur informacion necesario pa expande nan conocemento den e area di nos historia. Tur e entidadnan aki a traha hunto conhuntamente cu diferente otro luga pa aporta den e area di accesibilidad na informacion cual por cierto ta un derecho cu cada mucha, hoben y adulto tin.
Coleccion Aruba ta un website totalmente gratis y facil pa traha cu ne pa asina bo haya tur informacion, articulo, potret, video y mucho mas, tur cu por yuda pa si bo ta simplemente interesa pa sa mas of si bo tin necesidad pa traha un proyecto di scol y hopi mas. E la wordo lanza den e luna aki como cu e luna aki no solamente a habri cu dia di prensa pero tambe lo cera cu Dia Internacional di Accesibilidad di informacion cu lo tuma lugar dia 28 di September cu e lema principal “the importance of the online space to access information”, which lo enfoca riba con accesibel informacion ta riba internet. Esaki ta bay man den man cu “Coleccion Aruba’ cual ta e nomber oficial di e base di dato aki.
Pa haya e informacionnan cu bo persona ta buscando: coleccion Aruba ta keda habri pa bo persona por busca y comparti bo conocemento adkiri door di e base di dato aki cu awor ta disponibel riba internet.
