Rudy Lampe di RED para dilanti di oficina di Gobernador di Aruba ta pa duna sosten publico na e institucion di gobernador pa e para firme pa e principio di bon gobernacion. Segun Rudy Lampe e institucion di gobernador ta e ultimo refugio cu Pais Aruba tin pa para pa bon gobernacion.
Segun Rudy Lampe loke cu a sosode ta un acto di mal gobernacion y historia ta ripiti y RED no kier pa e ripiti manera a sosode den pasado. E mes un partido MEP bao di gobierno absoluto na aña 2006 pa mes un asunto di BBO a haci mes un cos. E tempo ey nan a bin cu un cambio di nota ora di aproba e ley di BBO unda cu e tempo ey nan a argumenta cu nos constitucion ta bisa cu “ na het horen van raad van advies “ y nan a bisa cu no ta para “ na het lezen van een advies van Raad van Advies”.
Segun Rudy Lampe di e manera aki nan a bay pas e constitucion . Di e manera aki a keda sin manda e nota van wijzeging cu cambionan drastico pa loke ta e ley di BBO na Raad van Advies. E tempo ey partido RED a manda un carta fin di December pa e minister di Hulanda cu ta regarda e asuntonan di Aruba y bise cu e ley di BBO a keda aproba anticonstitucionalmente.
Raad van Advies a drenta un despota cu gobierno di Aruba e tempo ey y Raad van Advies a pidi un conseho di un staatsrecht mr Borman pa bin cu un conseho riba e discusion aki y e conseho a drenta dia 20 di februari 2007 y e la bin den parlamento 7 di maart 2007. Segun Rudy Lampe e conseho aki ta un capitulo importante den nos historia constitucional y no tin duda cu sr Gobernador y su staf huridico ta na altura di e conseho aki.
E conseho di mr Borman tur hende por wak e paso e ta uno publico. Den jaarverslaag, raad van Advies 2006 / 2007 ta haya 14 pagina di e conseho di mr Borman. Loke cu e conseho ta conclui : ta bisa cu mester tin un conseho por escrito “horen van Raad van Advies “ no kiermen manera partido MEP a bisa cu ta horen, pero mester tin un por escrito y den e caso di ley di BBO claramente e hurista Borman a bisa cu a manipula e tempo ey a manipula cu un asunto serio y cu e nota van wijzeging , bo no por bisa paso bo no tin tempo mino ta mande Raad van Advies.
Tambe e conseho ta bisa cu mr Borman ta aclara si unabes cu gobernador a firma y a publica e ley e ta drenta na vigor y nos tur mester cumpli cu e ley, esaki ta e situacion cu a pasa na aña 2006 den December unda cu mayoria absoluto di partido MEP a aproba e ley. Rudy Lampe di RED ta duna di conoce cu esun cu a bin cu e modusoperandus aki pa baypas nos ley tabata sr Nilo Suan minister di finansas e tempo ey , pero awor aki ta e mes un situacion unda cu defacto ta e mes un minister di finansas tras di cortina ta e mes un actor y e la logra pasa mirando cu e tempo ey fin di December e Gobernador di e tempo ey a logra firma e ley y a publike y asina e ley di BBO a drenta na vigor.
Segun Rudy Lampe e tempo ey nan por a pasa, pero awor nos Gobernador actual si tin e conseho aki , paso e tempo aya na momento cu e gobernador a firma e conseho di hurista Borman no tabata existi, pero e gobernador actual si tin e conseho y no ta keda nada otro cu nos gobernador pa bisa cu nos no ta firma y publica e landsverordering di presupuesto 2023 y den caso extremo por presente na conseho di minister di reino unda cu ta vernietig e y nan ta mande Raad van Staten cu ta duna conseho y despues e ta bay pa un Koningklijkbesluit cu ta vernietig e Landsverordering di presupuesto 2023. Segun Rudy Lampe e tin cu sosode, pero den caso cu e no sosode y cu gobernador firma y publica esaki lo ta un mal mancha riba un institucion asina respeta manera e institucion di gobernador, paso gobernador ta para garantia di bon gobernacion