Cumpliendo cu su estatutonan partido ReD a tene su reunion anual di miembronan dia 31 di oktober
ultimo. Ya pa 18 aña consecutivo ReD ta organiza su reunion anual di miembronan den luna di oktober y
e biaha aki di un forma virtual.
E tema di financiamiento di partidonan politiconan ta hopi importante y pesei e relato financiero di ReD
den aña di elección tabata central. E total di entrada entre januari pa oktober 2021 tabata Awg 30,
236.00, un poco mas cu trinta mil florin a base di contribucion di miembronan, donacio y rifa. Y e
gastonan a suma Awg 30,021.25, un poco mas cu trinta mil florin di cua e mayoria a bai pa paga PR. Ke
men a sera cu un saldo positivo di un poco mas cu 200 florin.
Bo no por papia di bon gobernacion y transparencia y bo no ta practica esaki den bo mesun cas. Partido
ReD ta walk the talk pa 18 aña caba y lo continua cu e lucha. E miembronan a palabra cu ReD lo hiba
oposicion pafo di parlamento y a discuti e temanan prioritario cu ReD lo enfoca den e proximo eleccion.
Tur esnan cu ta interesa pa contribui na e interes general pa medio di ReD por mail:
partidoreddemocratico@gmail.com
