Lider di partido MEP Evelyn Wever Croes tambe a keda yama door di Gobernador di Aruba. Pa loke ta trata e eleccion cu a pasa tras di lomba e partido Movimiento Electoral di Pueblo lo a prefera un diferente resultado. MEP a traha hopi duro unda cu henter mundo a reconoce Aruba riba e bon trabou cu e keda haci , pero pa un manera of otro e comunidad no ta capta esaki.
Partido MEP a pasa den un momento hopi dura durante pandemia y pa por tin un recuperacion asina positivo ta trabounan duro a haci pa Aruba. Lider di MEP Evelyn Wever Croes banda di tur cos despues di varios analisis cu a haci partido MEP ta hopi satisfecho mirando cu un partido despues di dos gobernacion y ta 7 aña den gobierno pa mantene 8 asiento y a bay atras cu solamente 11% di voto ta algo hopi grandi. Si mester compara cu otro partido grandi cu ta AVP na 2017 a bay atras mas di 10 mil voto.
Tambe partido MEP a keda e partido di mas grandi den 4 di e seis districtonan na Aruba cu ta noord, paradera, st Curz y Savaneta MEP a keda e partido di mas grandi. Lider di MEP un biaha mas ta felicita partido FUTURO y PPA cu a saca asiento nobo den parlamento, pero tambe Partido AVP cu a sali e partido mas grandi di PAIS Aruba.
E proceso di informacion y formacion ta cuminsa, e reunion entre partido MEP y Gobernador di Aruba ta un reunion cu a bay bon y gobernador a haci varios pregunta y partido MEP a duna su punto di bista na Gobernador.
Lider di MEP Evelyn Wever Croes ta indica cu partido MEP no ta e prome yama na e momentonan aki pa bay forma un gobierno, pero si ta dispuesto pa ta parti di tur negociacion sinta na mesa pa asina mira si por forma parti di gobernacion di futuro. Partido MEP ta habri pa negosha pa tur partido cu ta interesa y lo keda pendiente pa esaki.
Na mes momento ta desea e partidonan prome yama pa cera gobernacion hopi hopi exito, tambe formador cu lo ta parti di e negociacionnan aki cu lo mester keda wordo nombra ainda tambe hopi exito.