Partido Movemento Indigena Arubano (MIA) lidera pa Helena Croes a haci entrega di su lista cu lo e bay eleccion cu ne. Pa prome biaha den historia por bisa cu tin un partido cu ta enfoca directamente riba loke ta trata nos naturalesa. E lista ta consisti di 5 candidato cu lo representa e pueblo di Aruba, ta trata 1. Helena Croes.,2. Marlo Maduro.,3. Maria van den Ham.,4. Jessica Caous-Wernet.,5. Albertico de Cuba. Pa por participa den e eleccion, cada partido mester entrega diferente documento unda cu Conseho Electoral y esaki a sosode diabierna ultimo.
Partido MIA ta para pa proteccion di nos teritorio, proteccion di nos identidad y autodeterminacion di e pueblo indigena di Aruba. E mensahe ta cla cu o kier mas hotel, no kier mas permiso pa hotel y ta hopi cla cu no kier pa sigui kibra tera di Aruba. Tambe partido MIA ta para pa ningun stranhero cumpra ningun realestate na Aruba.
Segun lider di Partido MIA Helena Croes nan ta campaña den St Cruz, Poschikito y Savaneta , pero na mes momento ta indica cu nan ta cla pa colecta e firmanan cu nan tin mester pa forma parti di eleccion 2024 dia 6 di december proximo.
Segun Lider di MIA Arubiano ta gusta keha pero no ta haci algo pa stop e situacion, awo tin un partido cu ta lanta pa e Arubianonan y tur esunnan cu ta keha pa lanta hunto cu ne pa asina haya e chance y drecha loke cu ta canando malo.
Tambe partido MIA ta kere cu Aruba no por garga mas hende y no por ta asina cu tur inmigrante cu kier bin biba na Aruba mester habri porta pa nan, Aruba no tin mas espacio.