Partido MAS lidera pa Marisol Tromp mester a entrega nan lista di partido pa 10:30 di mainta. E partido ta bay cu 7 candidato. Despues di entrega lista Lider di MAS Marisol Tromp a sali pafo ta duna di conoce cu mester a entrega tur e documentonan necesario pa participa den eleccion 2024 y partido MAS a ricibi e prueba cu partido MAS oficialmente ta participa na eleccion dia 6 di december proximo.
E lista di Partido MAS no ta mes grandi cu e prome eleccion, pero segun lider di MAS Marisol Tromp esaki ta un lista di 7 candidato di personanan capacita pa participa na eleccion di parlamento di Aruba. Cada un di e 7 participantenan lo tin un tarea di convence pueblo cu partido MAS ta e partido pa representa Aruba den parlamento. E lista ta consisti di:1. Marisol Tromp,2. Aquannette Gunn,3. Gilmar Werleman,4. Armand Kelly,5. dr. Michel Mungra,6. Jamal Khan,7. Arhtur La Moria.
Segun lider di MAS e la scoge pa no tin un lista di 29 candidato paso e lider no ta kere den 29 cantidato,pero cu un lista di 7 persona cu ta un team capacita cu diferente experencia cu por duna nan aporta na Pais Aruba. Segun lider di MAS e lista ta un combinacion di parti di experiencia y brinda oportunidad di algun hoben cu ta pa prome biaha riba lista y cu ta haya number 3 y 4 riba un lista politico.
