Den carta cu a bay pa minister presidente Pisas y vise – minister presidente sra. Larmonie- Cecilia, partido man ta propone un manera pa atende cu e situacion di ennia. Den carta Lider politico di partido man ta acerca e 2 lider nan di gobierno pa atende e situacion di Ennia riba un nivel nacional.
E situacion di ennia ta uno di hopi preocupacion bou di comunidad i rekeri un solucion pa Salvaguardia e mas di 25 mil pensionadonan i tambe evita un debakel financiero den nos Pais. E efectonan negativo si no yega na un solucion lo ta devastador pa nos pueblo. Den Mes manera nos ta desea pa cualke solucion tin menos efecto riba nos comunidad. Partido man pa medio di e carta aki ta haci un yamada serio i sincero na minister presidente Pa tuma e accionnan corespondiente pa riba termino corto realisa e encuentronan cu e Diferente stakeholdernan. Esaki mirando e urgencia y e importancia cu tin pa busca un Solucion pa e situacion di ennia.
