Riba inisiativa di Parlamentario Giselle Mc William e famia di Partido MAN a inisiá ku un Pasku Solidario 4 aña pasa ku a resultá den un éksito. E aña aki den kuadro di e pandemia di COVID19 ku a trese kambionan drástiko den nos manera di biba lo bai organisá un Pasku Solidario diferente di kual ta bai dediká na nos muchanan.
Meta di e proyekto aki ta pa sostené nos muchanan pa nan por partisipá na un selebrashon di Pasku den kompania di entre otro nan kompañeronan di skol. Diferente skolnan ménos prudiente tin difikultat pa por selebrá i organisá promé ku vakashon di Pasku un desayuno di Pasku pa muchanan. Den e kuadro aki e proyekto di Pasku Solidario lo kontribuí na algun skol pa por realisá e momentonan bunita aki pa nos muchanan i alabes ta hasi un donashon na un organisashon ku ta traha na bienestar di mucha.
Pa nos realisá esaki i bira eksitoso manera e añanan anterior tin e posibilidat pasa estilo di drive through i depositá bo donashon den e buzon di Pasku Solidario na Sede di MAN na sta Maria entre 9or i 12 or di mainta dia 5 desèmber i 12 di desèmber.
Ban sigui duna man pa asina nos muchanan den e tempu difísil di COVID19 por selebrá i asina sòru pa e sonrisa impagabel na nos muchanan ménos pudiente.
Personannn ku ke kontribuí na e proyekto aki por tuma kontakto ku sra Mc William na 5605429