Ya a bira un kustumber ku gabinete Pisas 2 ta krea kaòs den nos pais pa despues nan sali i
tira falta riba otro. Kaba nan ta trata na remedia problema ku nan mes a kreá i pretendé di
ta salvador.
Atrobe nos por a mira kon den un maniobra di gobièrnu, e ke a pasa empleado públiko un
fast bal pa ku atendementu di e lèi di 12,5% ku mester keda eliminá pa asina e empleado
públiko i sobranan ku ta ekivalente na e empleado públiko por haña bèk nan benefisionan
ku nan mester a entregá.
Nos tur por kòrdá kon na aña 2021 mester a introdusí e lèi di 12,5 % despues ku covid a dal
aden pa suavisá e karga salarial di gobièrnu. Banda di empleadonan públiko
parlamentarionan i ministernan tambe mester a entrega 25% di nan entrada pa asina nan ta
solidario na tur esnan ku a entrega.
Pero straño ta kon si por a haña e kaminda pa parlamentarionan i tambe ministernan por
haña bèk loke nan a entregá i tòg pa empleado públiko i ekivalentenan na dje i
penshonadonan, no por a atendé ku e lei di 12,5 % manera mester. Gobièrnu ta pretendé di
korta un aña for di e momentu ku mester kuminsá paga e empleado públiko, esnan
ekivalente na e empleado públiko i tambe e penshonado.
Ta straña nos kon ta mira gobièrnu ta spat sèn pariba i pabou, pero tòg ora ku yega beurt di
empleadonan públiko ku a entregá pa ta solidario ku pueblo, no tin un formula, ni sèn pa
por duna nan bèk lokual ta pertenese na nan.
Nos di Partido MAN PIN ta úrgi gobièrnu pa no laga e situashon aki eskalá i atendé esaki, ku
úrgensia, mirando ku ta tur ora gobièrnu ta propagá e ku tin sèn.
Partido MAN PIN : Gobièrnu tin ku stòp di krea kaòs
