Djasabra ultimo 15 di aprel a start e kurso di formashon polítiko pa miembronan di Partido MAN. E kurso aki ta pa:
- Miembronan nobo i posibel kandidatonan
- Hóbennan di Hubentut Aktivo di MAN (HAM)
- Miembronan interesá den un “refreshment course”
E Metanan general ta duna konosementu general tokante polítika i partido polítiko, duna informashon tokante historia di MAN, duna konosementu general di ideologia i prinsipionan básiko di MAN, kontribuí na un komprondementu di ròl di partido polítiko en general i MAN en partikular den konteksto di polítika i gobernashon na Kòrsou.
E dosentenan ta entre otro Drs. Frank Quirindongo, Kenneth Gijsbertha, Gilbert Cijntje i dosentenan invitá. E siguiente lès lo tuma lugá djasabra 22 di aprel na ICUC.
Na final di kurso partisipantenan ta duna un evaluashon (oral i por eskrito) di e kurso i ta haña un sertifikado di partisipashon. Partido MAN ta kere den formashon di e hende i ta konfia ku mester por alsa nivel di polítika aki na Kòrsou.
Manera ta konosi despues di elekshon MAN a hasi un evaluashon i un di e rekomendashonnan ta ku mester tin programa di formashon polítiko pa miembronan i prospekto kandidatonan di lista. Pa direktiva di MAN Formashon Polítiko ta importante i lo keda enfoká riba esaki.
