Partido lucha pa reforma LPR ta un partido nobo pa Pais Aruba. Profesor Ryçond Santos do Nascimento ta encabesa e partido y tin dos candidato nobo cu lo ta riba lista hunto cu su persona. Ta trata aki di sra Vivian Lacle cu ta enfoca riba enseñansa y cultura. Segun Vivian lacle enseñansa mester di hopi atencion.
E pashon di sra. Vivian Lacle di Partido Lucha pa Reforma ta e traha pa nos muchanan, hoben pero tambe pa percura pa e docentenan.
sra. Vivian Lacle ta maestro pa mas cu 17 aña y tin un deseo di wak e calidad y educacion na Aruba pero principalmente pa tur mucha por haya un estudio y logra nan meta. Tambe lo mester focus riba e docentenan pa nan ta contento y pa e calidad di enseñansa ta bon na Aruba. Sinembargo no lo kier focus solamente den e parti di enseñansa pero tambe kier focus den e parti di cultura.
sra. Vivian Lacle mes ta docente den funcion y tin deseo di mira mas oportunidad pa e mucha, hoben y docente.
Hopi biaha ta focus pa manda e muchanan afo , pero ta importante pa por busca e manera pa nos muchanan por studia na Aruba mes. Partido Lucha pa Reforma tin hopi plan nan y sra. Vivian Lacle a keda acerca door di su lider Ryçond Santos do Nascimento y a scucha kico ta su intencionnan pa Aruba y su vision ta cuadra den loke sra. Vivian Lacle ta desea pa Aruba.
Partido Lucha pa Reforma tin principio norma y balor cu ta loke ta hopi importante pa tin un sociedad bon y sano. Mester bisa si hopi cos a cambia y nos muchanan y hobenan a cambia completamente, sinembargo e pregunta ta si nan a cambia pa bon. Norma y balor a bay hopi atras y parti social tambe a bay atras. Segun sra. Vivian Lacle e nomber di e partido mes ta papia pa su mes unda cu lo Lucha pa Reforma Aruba.
Loke ta un realidad cu no ta solamente den enseñansa y parti social tin mester di un reforma , pero hopi otro partinan tambe. E no ta facil , pero e ta un lucha cu partido Lucha pa Reforma lo bay traha riba dje.
