Lider di partido FUTURO realmente merece e confiansa di pueblo di Aruba? Su comportacion den Parlamento, e actitud arogante cu el a bin ta mustrando di un politico cu ningun respet, ta haci cuestionabel si e merece haya e confiansa di pueblo.
Diferente colega di dje den Parlamento a atrap’e ta gaña pa hala atencion, gañando un pueblo riba e berdad y e realidad politico. E politico Gerlien Croes merece bo voto ?
E politico aki lider di partido FUTURO na diferente ocasion a hay’e obliga ta pidi dispensa na Prome Minister di Aruba. Sinembargo ciudadanonan cu ta presencia e reunionnan di contacto ta indica cu nan a kere cu realmente partido FUTURO lo ta algo diferente pero e gañamentonan ta notabel.
Lider di partido FUTURO Gerlien Croes a sali di AVP cu un dolor inmenso pasobra pueblo a pone presion riba su integridad, sinembargo for di den AVP el a traiciona pueblo di Aruba unda cu el a haya tereno vap vap sin cana e caminda manera ciudadanonan di Aruba mester cana normal, esaki ta integro?
Na mes momento no ta esaki so e lider di FUTURO a bay cu ne di AVP. E team completo di campañando di ex politiconan cu a haya castigo pa caso di corupcion ta tras di partido FUTURO. Asina un campañado mes a indica, y hopi lo puntra si esaki realmente ta ilustra un bon FUTURO pa Aruba?
Tambe por a tuma nota cu tur esunnan cu a haya nan mes den e caso di COVID Gate a bay pa un FUTURO Gate cu Partido FUTURO. Mas ainda e sponser principal di partido FUTURO ta un di e comerciantenan cu a haya condena den caso Aveztruz, kende practicamente no a siña su les y awo ta pusha tras di lider di FUTURO. E pregunta ta: cu ki intencion realmente lo comete e di dos eror conscientemente ?
Mirando tur e desaroyo aki realmente partido FUTURO ta brinda un FUTURO pa e pueblo di Aruba of pa nan mesun saco ?
Gerlien Croes durante cu e tabata den parlamento como parlamentario no a traha ni un ley pa Aruba siendo cu e por a trece un iniciativa di ley na momento cu cosnan no tabata cana corecto. Si den parlamento Gerlien Croes no a funciona y no a traha manera debe ser, dicon e comunidad di Aruba mester por confia den Gerlien Croes pa sigui den politica?
Na 2017 Gerlien Croes a join AVP na momento cu ya caba tin un otro miembro di AVP ta bou di investigacion pa corupcion, esaki ta integro ? Na 2021 un biaha mas Gerlien Croes a Join AVP sabiendo cu e di dos ex minister ta den investigacion pa corupcion, esaki ta integridad?
