Gobierno ta hinca den su cabez cu no tin ningun hende pa para e cabay cu e ta riba dje. Ora nos pasa dilanti di Bestuurs kantoor y Parlamento nos por mira cu gobierno no solamente a laga pone bandera sino tambe a dorna e luz nan di caya cu e 17 metanan di desaroyo sostenibel. Bao di punto number 5 ta papia di igualdad di genero y bao di number 4 ta e enseñansa cu lo wordo implementa na nos scolnan.
Den igualdad di genero no ta existi ni homber ni muher. Si e homber lanta un dia y bisa cu e ta un hende muher elo ta wordo permiti pa drenta den bano di hende muher. Esaki ta locual cu a pasa na Merca caba loke a percura pa problema so paso tabata tin hasta violacion sexual di criaturanan. Hopi estado na Merca a prohibi hende homber cu ta sinti nan mes muher por participa den deporte di hende muher.
Motibo sufficiente pa pueblo di Merca lanta para contra di e ideologia di genero na scolnan. Na Ottawa Canada cristianan y Moslims a uni forsa pa proteha nan yuinan contra di ideologia di genero.
No mishi cu criaturanan di Dios. Si mira e bandera di lgbtq+ no ta di 6 color di regenboog mas y e lgbt a bira lgbtgia+ cu tin un color cu ta representa e grupo di pedofil. Dios su regenboog tin 7 color. Number 7 kiermen perfeccion. Ora un mucha sali for di su barica di su mama sea ta mucha homber of ta mucha muher. Homber cu homber no por multiplica ni hende muher cu muher. Dios su creacion ta perfecto y Ela traha e homber y hende muher pa multiplica. Ora hende mishi cu creacion di Dios solamente ta daña e ta daña.
Nos por corda e barco di turista cu a drenta nos waf y e actonan inmoral cu a lanta hopi protesta den nos pueblo. Nan a cana den cayanan di centro di ciudad semi suno y a tene relacionnan sexual den lugarnan publico. Nos di partido Curpa ta kere cu partido mep kier comberti Aruba den un sodoma y gomora unda no tin norma y balor mas. Gobierno no ta tende di ningun hende ni maske cuanto firma a collecta. Riba iniciativa di nos prome minister a traha e Aruba National Gender Policy. Un grupo di pastornan a sinta cu nos prome minister y a splika cu e introducion di matrimonio di mesun sexo lo trese hopi problema pa nos isla. Den pasado pastornan a manda un carta caminda ta bisa ex prome minister pa pidi gobernador y Hulanda despensa paso a bay campa dilanti oficina di gobernador. Awe tur ta keto y no a manda ningun carta bisa nos prome minister cu su decision riba igualdad ta un desgracia pa Aruba.
Hopi tristo ta cu nos parlamentarionan supuestamente cristian ta gaña di no ta na altura pa locual cu ta trata e matrimonio di mesun sexo. Nos prome minister nunca a hala atras paso aña pasa dia 23 di october 2023 ela hiba un charla di igualdad di genero den Universidad di Aruba. Tevreden, Berlis y Guedez bosonan ta parlamentarionan sin caracter y sin principio ta tuma parti pa maldad. Boso ta keda recorda como traidornan paso den boso man boso tabata tin e poder pa trese cambio y pa falta di corahe boso no a hasie. Stop di busca splinter den otro nan wowo sino busca e balki den boso propio wowo. E famia institui pa Dios y nos criaturanan ta core peliger na man di e gobierno aki Pronto e gobierno aki lo bay cas y boso lo no ta parlamentario mas. Partido mep ta contra leynan di Dios y e consequencia ta na caminda cual ta su caida. Ningun hende por hasi bofon di Dios y sali ileso. Partido Curpa ta e unico alternativa.