Prome cu 2016 no tabata tin ningun lucha contra di e matrimonio di mesun sexo. Hulanda a aproba e ley di matrimonio di mesun sexo dia 1 april 2001. PvdA ta esun a cu cuminsa cu e projecto di ley aki. Un partido politico grandi y awe a bira un partido chiquito. Hulanda semper a pone presion riba islanan di Caribe Hulandes pa legalisa e matrimonio aki.
Iglesianan Cristian di Aruba (ICA) ta organisa un manifestacion di 3 di november 2023 despues di a reuni cu parlamentarionan Tevreden, Berlis y Guedez di partido mep pa busca moda di para e matrimonio di mesun sexo. Tambe ICA a reuni na Parlamento cu e parlamentarionan y for di e contestanan nos por conclui cu mayoria parlamentarionan ta na fabor di e matrimonio di mesun sexo. Parlamentarionan ta usa e palabra igualdad y ta mesun palabra cu ta cay bao nr. 5 di Sustainable Development Goals of metanan di Desaroyo Sostenibel. Gobierno completo ta kere den e agenda aki. Nos prome minister a reuni diferente biaha riba e puntonan di agenda 2030. Mayoria partidonan politico ta apoya e agenda globalista aki.
E caso lo bin dilanti dia 10 di november 2023 den corte di casacion y probabelmente den luna di december 2023 lo tin e sentencia. Mientras tanto nos sa cu e ley a bay raad van advies pa conseho y lo ta na Parlamento caba pa wordo trata. Si sentencia cay na fabor di e cristianan ainda nos Parlamento lo por trata e ley aki. Dia 8 di september 2016, 11 parlamentario a vota na fabor di e geregistreerd partnerschap. Dia 1 di maart 2021, 17 parlamentario a vota na fabor pa e geregistreerd partnerschap drenta na vigor. Nos di partido Curpa ta kere cu tin entre 15 pa 16 parlamentario lo vota na fabor pa e matrimonio di mesun sexo wordo aproba. E agenda aki ta bay mas leuw cu e matrimonio di mesun sexo y por conta cu e siguiente stap ta pa legalisa pedofil. E agenda aki ta pa influencia nos yuinan di entre 5 pa 8 aña y p’esey ta pusha pa bruha nos muchanan na scol cual ta sosode caba.
Durante 2 eleccion e pastornan aki a dividi e pueblo cristian pa vota pa partidonan mep y avp menos pa partido Curpa. E manifestacion di diadomingo 4 di september 2016 nos por a mira cu gran parti di esnan presente tabata e catoliconan paso e mesun pastornan aki a boycott e manifestacion. Un pabien grandi na e grupo catolico aki pa nan corahe. Awor nan mes ta organisa un manifestacion paso nan a mira cu a tira demasiado awa den biña y loke a keda ta mucho mas awa y masha poco biña.
Nos di partido Curpa ta kere cu e 18 mil personanan cu a firma, pa bay casacion y cu ta contra di e matrimonio di mesun sexo, no por sigui vota pa un partido politico cu ta contra leynan di Dios. Vota pa un partido politico cu ta bay contra leynan di Dios ta significa desobedece Dios. Awe e pueblo cristian ta sinta cu e consequencia pa via di a vota pa partidonan politico cu solamente ta interesa den voto di e pueblo cristian pero no tin respeta pa leynan di Dios cu ta sagrado. Vota pa partidonan politico aki no ta un opcion mas. Pa Aruba prospera mester honra Dios y cu echo. E 18 mil firma sigur sigur lo representa un 6 asiento den e siguiente eleccion cu ainda un chance pa un restzetel e ta bira 7 asiento. Un voto pa partido Curpa ta un voto pa bienestar di e famia crea pa Dios y lo garantisa bienestar di nos yuinan. Pa partido Curpa leynan cu ta bai contra leynan di Dios no ta negociabel. Un cos ta sigur cu e parlamentarionan supuestamente cristian aki lo no sali na defensa di e pueblo cristian. Nan lo tin cu duna cuenta na Dios. Partido Curpa e unico alternativa.
