E votacion cu a tuma lugar den Parlamento pa e matrimonio di mesun sexo tabata un wega politico cu a sali Aruba carro. Parlamento no kier a vota contra ni aproba e ley aki sino a laga huez sinta riba stoel di Parlamento. Segun informacion cu nos di partido CURPA a ricibi nos por corda cu parlamentarionan di partido mep a wordo instrui con pa vota riba e ley di matrimonio di mesun sexo pesey e resultado. Segun un periodista partido mep y avp a brasa otro pa e ley aki no pasa y no wordo aproba. Si Parlamento a vota contra di e ley aki huez lo no por a sinta riba stoel parlamento. Pakico partido Curpa ta bisa esaki?Nos e lucha no a cuminsa for di awor. Nos lucha a cuminsa prome cu e amieda 7 cu ta ensera geregistreerd partnerschap a bira realidad dia 8 di september 2016. Esaki no ta concidencia paso na september 2015 gobierno bao signatura di partido avp a bay di acuerdo cu e 17 puntonan di e agenda 2030 Sustainable Development Goals.
Kico ta e beneficio cu e cambio di ley aki esta di matrimonio di mesun sexo lo trese pa Aruba? Aruba su unico Pilar economico lo sigui florese of nos lo cuminsa perde nos bishitantenan for di Merca cu gran mayoria ta contra di e agenda aki. Walt Disney, Target, y Budlight a sufri un daño biyonario te cu e dia di awe. Pronto lo tende cu nan lo ta bancarota.
Si na 2 ocacion esta na september 2017 y juni 2021 pastornan no a dividi e pueblo cristian pa vota pa nan color politico cu ta partido mep y partido avp, awe partido Curpa lo tabata den Parlamento cu mas cu 2 asiento. Gobierno no tabata tin e boluntad pa bin cu un referendum pa determina si e pueblo ta bay di acuerdo cu e condicionan stipula den e Sustainable Development Goals. Parlamento cu supuesto cristianan a permiti e prome minister mara su pais na e agenda 2030 y mas ainda cu nan tabata na altura e strategia cu nan partido lo usa durante di votacion riba e matrimonio di mesun sexo.
E ley aki no ta keda te akinan paso den e 17 punto di Sustainable Development Goals bao punto 4 enseñansa di calidad ta bay atras y ta bruha celebro nos criaturanan cu educacion sexual.E enseñansa di generous a drenta scolnan caba na Europa. Mira cuanto letter e grupo aki tin y asina nan lo sigui pa legalisa cada letter di e grupo di alfabet. Pakiko na Italie a para e ley aki? Esaki ta e agenda diabolico cu nos gobierno ta aden y cu tin supuesto cristianan ta sostene. Un agenda anti cristian.
E unico partido cu for di principio a para pa norma y balor ta partido Curpa. Nos a drenta e aña di eleccion y nos sa cu pueblo ta rabia cu partidonan grandi. Nan ta kere cu nan ta e unico Coca-Cola den desierto. Tanto partido mep y partido avp ta gaba cu nan tin solucion pa tur problema. Nan unico solucion ta hinca Aruba den debe cu yen di medida riba lomba di pueblo. Esaki nos ta yama amor pa nos Aruba dushi terra?
Aruba tin un Dios su ta stima hende pero Dios no ta stima hende su pica. Nos por scapafor di e huicio terrenal pero for di e huicio di Dios nos ningun lo scapa. Esaki ta e tempo di Dios y no di politiconan cu tin 2 cara. Dios su tempo ta perfecto. Partido Curpa ta kere cu mester bai corte europeo paso eynan tin un sentencia cu ta bisa e no ta un descriminacion. Partido Curpa ta dispuesto di ruim op de boel. Unico partido Curpa cu leynan di Dios ta sagrado y no ta negociabel. PartidoCurpa e unicoalternativa.
Lider di partidoCurpa
Eric Ras