Riba 19 di september Partido CURPA a yama un conferencia di prensa pa nan anuncia cu partido CURPA ta bay eleccion. Lider di partido CURPA Eric Ras ta duna di conoce cu e la sirpi pueblo di Aruba pa 42 aña como polis y conoce kico tur caya ta trece cu ne y tambe e dolornan cua pueblonan ta biba cu ne. Partido CURPA t’ey pa contribui, construi pa Aruba lanta bek. Partido CURPA ta kere cu Aruba mester di principio , norma y balornan.
Ta haci un apelacion na tur hende paso nos so no ta logra , pesey mes a yega e ora pa uni pa tin un Aruba sigur,cu Paz y un Aruba unda cu tur hende lo prospera. No ta trata solamente cu e politiconan so mester prospera pero henter e pueblo di Aruba mester por prospera. Partido CURPA no ta focus solamente riba e grupo di partido cristian, pero ta un partido conservador cu ta mira cu nos mester por sali padilanti como un pais.
Un di e partinan cu partido CURPA ta para pe ta e principio norma y balor unda cu si ta si y no ta no “een man een man , een woord een woord” partido CURPA tin un programa di gobernacion unda cu ta enfoca riba e grandi nan paso nos grandi nan ta hibando un bida cu hopi dolor unda cu nunca antes Aruba a mira. Awendia cu un entrada di 1200 pa 1300 un persona no por biba. E costo di bida ta asina halto cu mester pone prioridad.
Tambe lo pone enfasis na nos scolnan unda cu tambe por a mira cu hopi mucha ta bay scol sin a come y tambe por a tuma nota cu inversion na scolnan no a tuma luga. Partido CURPA ta kere cu ta importante pa Aruba inverti den educacion na Aruba.
Partido Curpa tambe ta kere cu mester bin cu otro pilarnan economico pa yuda contbui mirando cu mester baha e carga for di lomba di turismo. Partido CURPA tin dos candidato nobo cu a subi lista y awor ta conta cu un lista fuerte pa e eleccion di e aña aki.
Ta trata aki di cantidato Ashan Tromp riba lista di Curpa nr 3 ,Janeth Orozgo cantidato di CURPA nr 5, Max Robert cantidadto di CURPA Nr 4 y tambe Arondino Croes cu lo ta cantidato nr 2 riba lista di partido CURPA.
