Grupo apostolado san hudas tadeo di parokia birgen di fatima na dakota ta tene triduo di diaranson 25 di october 2023 te cu diabierna 27 di october 2023. y fiesta di san hudas tadeo ta diasabra 28 di october 2023.
Grupo San Hudas Tadeo di Dakota ta invita tur devoto na San Hudas Tadeo pa asisti sin falta na e Triduo na honor di San Hudas Tadeo – Santo y Abogado di Asuntonan di Desesperacion y pa Casonan Imposibel, cual Triduo lo inicia riba diaranson 25 di october 2023, diahuebs 26 di october 2023 y diabierna 27 di october 2023 pa 6 or p.m. Riba diasabra 28 di October 2023 ta su fiesta. Triduo y fiesta lo tuma luga den Misa Birgen di Fatima.
Pues tur devoto na San Hudas Tadeo y Pueblo di Aruba en general ta keda cordialmente invita pa asisti sin falta na e triduo aki, ya cu Hesus mes ta bisa unda cu tin 2 of mas reuni den Su nomber, ey mes E lo ta memey di nan y presente pa scucha nan oracionnan, cu lo wordo seguramente scucha y nos lo ricibi e gracianan cu nos mester, basta cu nan ta pa nos santificacion.
Fiesta di San Hudas Tadeo, conhuntamente cu San Simon, lo ser celebra diasabra 28 di october 2023 cu un Santo Sacrificio di Misa Solem (cu lecturanan dominical) pa 7 or di anochi.
Nos kier a enfatisa si cu lo tin un Santo Rosario na nos Reina di Santisimo Rosario, nos Mama Maria, como ta luna di October, pa 6 or y 15 p.m. prome cu e Santo Sacrificio di Misa.
Recordatorio: Santonan ta wordo venera y no adora.
Ya ta 61 aña caba cu Nobena of Triduo y fiesta na honor di San Hudas Tadeo ta wordo celebra na Parokia di Birgen di Fatima, na Dakota. For di 1962 te cu 1996, esta e prome 35 añanan bao direccion di nos defunto keri sra Tula Pablo y for di 1997 e Nobena, durante cual tambe Triduo a wordo organisa, a sigi bao direccion di e debotonan di nos dushi Santo, esta San Hudas Tadeo. (1962 – 2023 ta 61 aña).
Nos ta desea di reitera: “Ora e Lamchi a tuma e rol, e cuatro sernan y e 24 ancianonan a cay abao Su dilanti; cada un tabatin un harpa den su man y scalchinan di oro yen di sencia cu ta hole dushi; esey ta oracionnan di santonan di Dios.
Comentario I: Aunke e santonan den Cielo, nan ta resa incansablemente. E oracionnan aki ta alaba Dios, pero tambe rasonabel pa asumi cu santonan ta intercede pa nan rumannan na tera, specialmente ora nos ta pidi nan yudansa.
Comentario II: Hesus ta confirma cu tur ta bibo pa Dios y esnan cu ta biba den Su presencia por y mester demostra amor pa otronan. E santonan ta haci esaki intercediendo na nos fabor, como contesta riba nos oracionnan.
