Parlamentario Endy Croes a compronde cu e caso di corupcion di x minister y candidato number 2 di AVP y amigo intimo di Mike Eman esta e sospechoso den caso Avestruz Benny Sevinger ta un caso gigantesco y imenso. Manera pueblo mes a experencia cu 13 di Januari 2021 pa di dos biaha Ministerio Publico cu Landsrecherche y un equipo hopi grandi a drenta cas di Benny Sevinger alaves a drenta 6 cas total entrenan amigo intimo y man drechi di Benny Sevinger.
Kiko Benny Sevinger di AVP a hasi?:
Durante campaña 2017 pueblo por a tuma nota di un corant cu a circula cu un cantidad di presunto corupcion y fraude di tereno entre otro di Benny Sevinger y Leoncita di Canal 90. Ambos ta man drechi di Mike Eman. E corant aki tabata tin pruebanan di carta, email y hopi documentonan comprometedor di corupcion. Esaki a confirma tur e rumornan cu pa añas tabata core rond den pueblo cu Ministernan di AVP ta corupto te den nan higra. Unaves den gobierno a logra pone man riba tur e documentonan oficial y asina a logra compila suficiente prueba entrega un keho official documenta na Ministerio Publico. Ta trata di terenonan comercial cu amigonan cerca di Benny tabata haña optie riba nan. Hopi falsificasion di fecha y ta trata di “optie” cu diferente NV, cu ni tabata existi ainda, tabata haña. Por a tuma nota di carta cu peticion pa tereno comercial por ehempel cu fecha di 20 di Augustus 2015 mientras Benny su kantoor ta stempel cu e carta aki a wordo ricibi 7 di Augustus 2015 y Benny mes ta firma akkoord pa duna dicho tereno 14 di Augustus 2015. Pues “duidelijk” ta trata di falsificasion paso Bo no por duna un akkoord na un fecha ( 14 Augustus 2015) promer cu e carta mes a wordo traha(20 Augustus 2015). Frapante ta e rapidez cu Benny tabata coopera pa duna e terenonan aki. Asina tabata tin varios caso mas. Den e strategia pa “bypass” ley y beleid nan tabata tin cumpradornan pa e NV’s nan unda automatomaticamente esnan cu tabata cumpra e sharesnan di e NV ta haña e optie comercial cu ta partenese na e NV. Aki e triki tabata ta unda a bende por ehempel un solo tereno na Eagle den e structura ariba menciona na balor di 3.5 miyon us dollar. Pues ta hopi plaka amigonan di Benny cu tabata front den diferente proyecto a strika di patrimonio di pais Aruba. No ta pornada Benny e sospechoso mayor den caso Avestruz y candidato # 2 di AVP a wordo acusa di Falsificacion, Mal usu di poder, Soborno, Estafa hende y labamento di plaka. Benny mes a confirma via su amigo Speed Andrade cu Ministerio Publico a midi henter su cas y saca potret di tur bentana y porta. mas despues lo amplia riba esaki. Investigacion riba Benny ta hopi pisa y pronto e lo mester duna cuenta dilanti mesa berde. Tempo lo mustra exactamente con grandi e corupcion cu terenonan tabata ta.
