Decision di ley di matrimonio di mes un sexo den parlamento di Aruba no a keda enfoca riba ki tipo di pueblo bo kier pa bo Pais pero a scoge individualmente personal emocional sin vision y direccion pa un sociedad confundi.
Loke ta lamentabel ta cu parlamento di Aruba no ta firme ki tipo di comunidad e kier crea pa futuro. Lamentablemente e nivel di moralidad den parlamento ta laga hopi di desea. Pastoor Frank Daal ta duna di conoce cu parlamento ta yen di talento berdad cu bon estudio , pero tin un deficit serio di moralidad den parlamento, esaki ta pone cu e siguiente eleccion e comunidad di Aruba mester wak bon con e ta bay vota. Loke ta un realidad cu no por bisa ningun hende pa ken nan mester vota, pero por bisanan con pa vota si. Ta trata aki di principionan con mester vota corectamente. Un politico por tin 5 PHD, dobel master mes , pero si bo moralidad ta na werki bo no t un persona cu lo por vota pe.
Si mester duna un ehempel di un telefon, un telefon a keda crea pa ta un bendicion pero na mes momento e por ta un arma di destruccion tambe. Kico ta pone e serhumano pa uza e telefon pa bon of malo? , e moralidad cu ta e norma y balornan cu ta e principionan di bida. Pesey ta importante pa abo como ciudadano pa e siguiente eleccion cuestiona cada candidato riba nan bista di moralidad.
Den parlamento por a scucha diferente parlamentario nan trece nan puntonan di bista y entre otro un parlamentario a menciona cu e ta batisa baou di su creencia y e creencia ta DIOS . E palabra bautismo na momento cu hinke den bijbel , bautismo kiermen cu e persona a dera su pensamento nan personal kico cu e por ta, y ta sali bek teniendo na e creencia di DIOS y na mes momento ta bira vota contra di DIOS den parlamento, esaki ta inmoral.
Den parlamento tin un partido cu ta yama su mes cristian democrata, pero e gran mayoria a vota contra di nan prome nomber como partido cristian, esey no por, esey ta inmoral. Lamentablemente diferente parlamentarionan a vota voor e ley y na mes momento ta bisa cu nan ta creyente, e dos puntonan ey no ta mix. Practicamente e ta awa cu azeta cu pa un rato ta mix pero e realidad na momento cu lage un rato e ta separa. Na momento cu bo ta kere den DIOS sea bo ta carni of bo ta pisca, bo no por ta mira carni y mita pisca.
Tambe por a tuma nota cu tin parlamentarionan cu tin yiu, famia ext ext y nan ta bay vota den nomber di nan yiu. Sinembargo loke ta un realidad cu ningun parlamento no a keda poni den parlamento den nomber di nan yiu of di nan ruman. Por mira un parlamento desbalansa cu nan mes no sa dicon nan ta den parlamento.
Segun pastoor Frank Daal na Curaçao tin un minister cu su orientacion ta gay, pero e mandatario mester a firma un papel cu e lo no haci activismo gay si e bira un minister. Actualmente e ta un minister y e ta teniendo su mes na e afspraak. Paso mandatario sa bon dicon y pakico e tin e posicion ey y e t’ey pa e pueblo di Corsou y no interes propio.
Sinembargo pa parlamento di Aruba no por bisa esaki y loke ta pasando den parlamento di Aruba ta un berguensa nacional, un mal ehempel y ta mustra cu parlamento no sa cu kico e ta bezig y ni pakico nan proposito ta den parlamento primordialmente y ta campaña grandemente riba un parti cu nan mester mira na beneficio di un sociedad. Esaki ta tipo di puntonan cu comunidad mester mira bon riba e candidatonan cu ta inspira pa bay eleccion otro aña.
Loke cu tambe ta hopi bisto cu tin un desconexion entre parlamento y pueblo , pero e realidad ta cu mester conecta bek na otro y pa es motibo tambe tabata kere firmemente cu un referendum lo tabata mas husto.
Decision di ley di matrimonio di mes un sexo den parlamento di Aruba no a keda enfoca riba ki tipo di pueblo bo kier pa bo Pais y siguiente generacion,pero a scoge individualmente personal emocional sin vision y direccion pa un sociedad confundi.
