Den careda di 11 or di mainta Presidente di parlamento a para e reunion den parlamento pa asina tur colega por a despedi di nan ex colega frido Croes cu a bay sosega. Presidente di Parlamento Ady Thijsen a dedica algun palabra na sr Frido Croes su famia. Frido Croes tabata un docente di scol y despues a bira minister di enseñansa pa Partido MEP , tambe tabata minister plenipotenciario na Hulanda pa Partido MEP , parlamentario pa Partido MEP y tambe tabata president di parlamento pa Partido MEP . Sr. Frido Croes tabata un persona hopi humilde pa esnan cu conoce y cu semper e la dedica na su trabaonan. Durante di su trabaonan e la sacrifice y traha hopi duro pa trabaonan pa nos comunidad. Presidente di Parlamento ta gradici su famia pa laga frido eherse su trabao, mirando cu e trabao di politica no ta facil y politiconan tin un tarea hopi grandi y den e mundo moderno cu nos ta biba actualmente mas cu nunca ta keda huzga. Sinembargo president di parlamento ta kere cu na momento cu ta haci un trabao den un bon manera y humilde , semper e trabao lo ta un bon trabao. Presidente di Parlamento ta desea henter e famia , amigoenan, Partido MEP y conociernan hopi forsa den e momentonan dificil aki y cu Frido sosega na PAZ . E reunion den parlamento a keda geschors pa 11or di mainta debi gobierno y parlamento lo didpidi di dje dilanti di parlamento hunto cu su famianan. DI e manera aki Gobierno di Aruba y parlamento a dispidi di dje.
Parlamento completo a despidi di ex politico Frido Croes
