Miembro di Parlamento pa frakshon di MFK David Seferina ta felisitá minister di salubridat sra. Dorothy Pietersz-Janga pa su logro di 3 ambulans i ku a traha den tur silensio i trankilidat, paso di e forma aki Gabinete Pisas ll ta funshoná. Minister Dorothy Pietersz-Janga semper a duna kontenido na loke nos lider Gilmar Pisas ta bisa “Ban Sosegá” sin muchu palabra laga bo echonan hasi e boroto.
Mirando e urgensia komo un Gabinete di Pueblo pa Pueblo pa garantisá e kuido di ambulans Gabinete Pisas ll awe den Raad van Ministers a bai di akuerdo pa kompra di no ménos di 3 ambulans nobo nobo.
Komo miembro di parlamento di e manera aki nos ke trese e informashon korekto aki na pueblo di Kòrsou.
Aparte di felisitá Minister di Salubridat Dorothy Pietersz- Janga mi kier felisitá tambe minister di Finansa Javier Silvania ku a duna atenshon na e preokupashon ku ta biba tantu serka personanan di Fundashon kuido ambulans Kòrsou (FKAK) komo pueblo di Kòrsou pa aliviá e situashon pa bini ku 3 ambulans nobo nobo.