Parlamentario Ricardo Croes ta vice presidente di delegacion di Infrastructura y Medio Ambiente y tabata presente na e bishita di trabao cu a keda haci na dump di parkietenbos. E parlamentarionan a bay mira mas di serca e incinerator pa asina sa mas miho con e ta traha entre otro tur loke cu e ta kima manera sludge, lodo di Bubabliplas, medical waist y cadaver di bestia. Segun Parlamentario Ricardo Croes e ta contento di tende di parti di Director di DOW di e splicacionnan cu nan a haya a keda satisfecho na e exigencianan di entreotro e hindervergunning cu ta importante. Segun e parlamentario loke ta hopi importante ta pa no causa molester na parkietenbos mas cu ya caba pa varios anja a keda molestia cu e situacion cu tin actual na dump di parkietenbos. Tambe a mira tur e posibilidadnan cu tin entre otro na momento cu nan ta kima e materialnan kico ta loke ta resta y kico por keda haci cu ne tambe sea cu e tin un balor finansiero of cu Aruba por haci uzo di dje porehempel den naturalesa.
