Den conferencia di prensa di partido RED ,parlamentario Ricardo Croes a habri e conferencia di prensa y duna pabien na tur activista , uzador , cultivador di cannabis, no solamente na aruba pero rond mundo.
Parlamentario Croes ta recorda cu na un conferencia di prensa di minister di husticia di Jamaica e tempo ey a bin elogia comunidad di rasta pa den e periodo di ilegalidad di Cannabis a para y bringa y tene bibo den Caribe e cultivacion di Cannabis cu tabata ilegal di cual e comunidad di rasta a paga cu nan bida debi cu na Jamaica gobierno tabata manda e polisnan y soldatnan bay bringa y tira e rastanan mata den seronan.
Segun parlamentario Ricardo Croes a tuma tempo y decada pa e ilegalidad di Cannabis rond mundo logra pa restaura e respet y honor di tur esnan cu ta envolvi cu ta kere cu abase di conocemento den e planta aki y cu tur propocion nan positivo tanto pa mama tera como nos tur como ser humano tin cu ne. Parlamentario Ricardo Croes ta ta felicita tur activista nan na Aruba tambe. Sinembargo Parlamentario Croes ta duna di conoce cu lamentablemente no por a logra cu e coleganan den coalicion pa decriminalisa Cannabis na Aruba. Tur hende por a presencia na momento cu e presenta e mocion pa decriminalisacion y na unda cu por a mira tambe cu e mocion a keda boicotia pa e mes un coalicion cu a firma di lo cumpli cu esaki.
Parlamentario Croes a presenta un mocion pa para drugstest cu no ta corecto pa Cannabis y e mocion aki tambe a keda boicotia. a keda presenta un mocion pa tur agricultor cay den e industria aki y e mocion aki tambe a keda boicotia. Sinembargo na final minister demisionario Dangui Oduber a bisa si cu 75 compania a haci acto di presencia y cu tabatatin interes cu e industria. Un danki ta bay na tur e votadonan di partido RED democratico y cu a confia cu alomenos di por a hiba e pelea aki den nivel di parlamento y di nivel di gobierno.
Den un voz cu hopi siguridad parlamentario Ricardo Croes ta expresa ,“foei minister Oduber,Foei minister Dangui Oduber pa no a cumpli y pa a gaña y priminti y no a cumpli. Segun Parlamento Ricardo Croes tin prueba di whatsapp cu e manda ta rioketobay ta kedapospone e conferencia di prensa cu mester a keda haci engtre MEP y RED pa por yama un conferencia di prensa pa presenta e pueblo e dia cu lo mester a bay presenta e ley di legalisacion di Cannabis na pueblo di Aruba.
Tin Whatsapp nan pa mas cu 2 aña ta warda riba minister Dangui Oduber pa por presenta e ley den parlamento di Aruba. Parlamentario Croes tin pensa di presenta e combersacionnan aki pa asina pueblo por mira e manipulacion cu su persona mester a biba unda cu ta laga parce cu ta parlamentario Croes no a cumpli cu e pueblo. Esaki ta completamente falso segun parlamentario Croes , E berdad ta cu e unico persona cu a cumpli te na e momentonan aki ta Ricardo Croes di partido RED democratico. E mensahe ta pa tur activista tene bon cuenta pa no cay den trampa.
