Parlamentario Mervin Wyatt Ras ta lamenta cu ta te awo ta bini hunto cu minister debi cu e ta un proceso cu ta cana basta dia caba. Tin varios punto cu ta ser bisa cu ta den e gobierno anterior situacionnan a pasa pero cu e minister actual tambe por atende cu e asuntonan pa asina por duna un miho direccion na locual ta trata e maneho.
Actualmente tin hopi taxista cu ta preocupa cu nan situacion unda cu ta trata di mas di 400 persona cu nan pan ta depende di esey y cu nan ta esun cu ta duna e servicio na nos turismo y esaki sigur ta hopi importante. Mirando esaki ta importante pa por yega na un miho comprendemento pero tambe futuro pa e taxistanan.
Por a tuma nota cu minister di transporte Ursell Arends kier bin cu diferente cambionan unda cu a presenta un MB y parce cu e la cambia y a bira un di dos MB cu e mandatario ta cambia pero por a compronde cu lo ta bay tin un di tres MB cu e mandatario ta bin cu e cambionan cu e ta desea.
Segun parlamentario Mervin Wyatt Ras di fraccion di AVP e minister kier bin cu cambionan unda cu ta hisa cantidad di stoelnan pa cada taxi enbes di 5 kier hise pa 7 cual cu lo ta bay tin consecuencianan pa e taxistanan. Den tur e proceso aki loke cu ta importante si ta cu tin un claridad di ken ta bay haci kico. Lamentablemente e reunion den e comision ta un reunion cera y cu no kier a haci e reunion aki un reunion publico.
Sinembargo fraccion di AVP a entrega un peticion pa asina bin un reunion publico riba e situacion pa asina tur hende haya sa kico ta pasando y na mes momento por sigui cuestiona e mandatario riba e asunto aki.
Banda di tur e scenarionan aki nos no mester lubida cu e pan di cada dia di taxistanan ta wordo poni na peliger unda cu minister ta tira unda cu tin cosnan cu no a bay bon den pasado , pero sinembargo parlamentario Mervin Wyatt Ras ta duna di conoce cu no ta haya suficiente bista cu e mandatario lo a haci algo pa drecha e situacion.
Diferente parlamentarionan a keda cuestiona esaki unda cu ta indica cu tin un cantidad di personanan cu a haya permisonan cu a keda duna den pasado cu no a wordo duna manera cu mester ta y awor aki cu e minister t’ey kico ta loke a haci cu nan. E minister a duna di conoce cu e permisonan cu a ser duna no a cumpli cu e criterionan mientras ta tende cu minister ta bisa cu ta bay bin cu un comision pa asina atende e evaluacion di e permisonan nobo. Segun Parlamentario Mervin Wyatt Ras ta duna di conoce cu e mandatario ta bin cu cierto puntonan y di otro banda no ta bin con lo e la soluciona e problemanan aki cu e la hereda di e gobierno anterior cu e mandatario mes ta aden na e momentonan aki.
