Parlamentario Menki Rojer di KDNT a manda un carta pa minister Jesus Leito mustrando e precupacion cu e tin pa e casonan di COVID19 den sector di cuido. Segun parlamentario e carta no ta dirigi solamente pa esnan cu ta traha den CMC pero pa tur hende cu ta traha den e sector di cuido.
E parlamentario a haya diferente keho di pashentnan cu tabata den algun casnan di cuido na Korsou caminda nan ta duna di conoce cu nan a constata hendenan cu ta traha den cuido y cu nan tin COVID, pero tog nan ta permiti pa e hendenan keda traha tog.
Segun e parlamentario e institutonan ta bisa cu nan ta atende cu e hende nan bon y cu nan por keda traha. Debi na esaki a manda puntra minister si esaki ta un polisa e ta of no. Segun parlamentario Menki Rojer e informacionnan cu nos tin di hulanda cu na momento cu tin un persona cu ta traha den cuido y e tin griep e mester keda cas.
Sinembargo banda di esaki tin un ley di besmetelijkeziekte cu ta un ley cu tin mas cu 100 aña y e ley ta bisa cu na momento cu ta constata un besmetelijkeziekte na un hende, e no tin mag di presenta riba tereno di trabao mas, sinembargo na e momentonan aki esaki ta sosodiendo na korsou tog.
Pesey mes parlamentario Menki Rojer a manda puntra minister kico ta e maneho di esaki , si esaki ta un polisa cu a keda implement ta of kico ta e posicion di esaki pa cu e sector di cuido na Korsou. Alabes tambe kier sa kico ta e politica cu Hulanda ta hiba pa cu e situacion aki .
Na momento cu e personanan cu ta traha den cuido keda contamina korsou ta haya su mes cu un problema masha grandi mes debi cu mester remplasa e personanan ey den cuido y na e momentonan ey no sa si Korsou tin sufisiente persona pa atende cu e cuido e ora.
Tampoco no sa si e Mercado tin suficiente profecional pa sigui duna e cuido te na momento cu e otronan bira bon bek. Esaki lo ta un gasto tambe pa gobierno di Korsou. E situacion ta algo masha riesgoso na momento cu por compronde cu e institutonan di cuido ta laga hendenan cu ta contagia cu COVID ta traha tog. Dutchcaribbeantv y eanews.com ta conectabo cu Caribbe
